Posts Tagged ‘මර්ධනය’

ශ්‍රී ලංකාවේ ජනතාව විරෝධතා පවත්වන ආකාරය සුදුසු නැති බව වීරවංශ ඇමතිතුමා සොයාගෙන තිබේ. ඒවා ප්‍රචණ්ඩකාරි බවත් ඒවායේ සිටින අය උසි ගන්වා එවා ඇත්තේ බටහිට අධිරාජ්‍යවාදින් විසින් බවත් පොලීසිය වෙඩි තබන්නේ ඒ නිසා බවත් එතුමාගේ මතයයි. ඒවායේ සිටින උද්ඝෝෂකයින් පොලිසීයට ගල් ගසන  අතර එවැනි ප්‍රචණ්ඩ උද්ඝෝෂණ ලංකාවට සුදුසු නැත.

ඒ නිසා දීර්ඝ වශයෙන් මේ ගැන කල්පනා කල එතුමා ලංකාවට සුදුසු උද්ඝෝෂණ ක්‍රමයක් ගැන සෙවීම සඳහා තම  දේශපාලන උපදේශකයින්ගෙන් සමන්විත කොමිටියක්ද පත් කලේය. එතුමාගේ දේශපාලන උපදේශකයින් හා පක්ෂයේ සාමාජිකයින්  සියලු දෙනා එතුමාගේ අමාත්‍යාංශයේ නිලධාරින් නිසා මෙය අමාත්‍යාංශ නිලධාරි කොමිටියක් ලෙස හෝ පක්ෂයේ මහ සභා සම්මෙලනයක් ලෙසද  හැඳින්විය හැක. නිල අලයෙන්ම බලයෙන්ම එතුමාම  එම කොමිටියේ සභාපති දූරයට පත් විය.

එම ගෞරවනීය කොමිටිය විසින් කරන ලද නිර්දේශ දුසිම පහත දැක්වේ.

තමන්ගේ උද්ඝෝෂණ වලින් නිසි පල ලබා ගැනීමට නම් එම උපදෙස් තරයේ පිලිපදින මෙන් සියලු දෙනාට මින් දැනුම් දෙනු ලැබේ.

1. උද්ඝෝෂණයට සහභාගි වන සියලු දෙනා සුදු ඇඳුමින් සැරසි සිටිය යුතුය.

2. කාන්තාවන් සුදු ඔසරිය ඇඳ ආ යුතුය.

3. පිරිමි අය සුදු ජාතික ඇඳුමින් සැරසී කුරක්කන් පාට සාටකයක් පැලඳ සිටිය යුතුය.

4. මධ්‍යම පලාතේ කුරක්කන් සාටක පැලඳීම අවශේෂ අයට තහනම් බැවින් එහිදී සුදු පාට හෝ නිල් පාට සාටක පැලඳීමට අවසර ඇත.

5. සියලු දෙනා නිල් මානෙල් මල් වට්ටියක් ‍රැගෙන ආ යුතුය.

6. එක් පේලියක් සැදී  බිමට නෙත් යොමු කරගෙන  සංවරව උද්ඝෝෂණය පවත්වන ස්ථානයට පැමිණිය යුතුය. එක් අයෙක් පැමිණ විනාඩි පහකට පසු අනිකා පැමිණිය යුතුය.

7. උද්ඝෝෂණයේදී සටන් පාට කීම සපුරා තහනම්ය. නිශ්ශබ්දව සිටිය යුතුය.

8.අවශ්‍යම නම්  බුදු ගුන ගාථා හෝ  දේශප්‍රේමි ගී ගායනා කල හැකි  නමුත් ඒ සඳහා පොලිස්පතිගෙන් පෞද්ගලිකවම අවසර ගත යුතුය.

9.උද්ඝෝෂණය පැවත්විය යුතු ස්ථානය පොලිසීය විසින් ‍තෝරාදෙනු ඇත.එය ජනශූන්‍ය ප්‍රදේශයක පිහිටි පාලු පොල්වත්තක් හෝ වෙනත් එබඳු තැනක් විය යුතුය.

10.උද්ඝෝෂණය සඳහා ලැබෙන උපරිම කාලය විනාඩි දහයකට සීමා වෙනු ඇත.

11.උද්ඝෝෂණයට සහභාගි වෙන කිසිවෙකු පෑන්,පැන්සල්, ජංගම දුරකථන,මාරු කාසි ආදි අවි ආයුධ  තමන් ලඟ තබා ගැනීම සපුරා තහනම්ය. ඒවායින් පහර දී අහිංසක පොලිස් හා හමුදා නිලධාරින්ට තුවාල කල හැකි බැවිනි.

12.උද්ඝෝෂණය නිමා වීමෙන් පසු ජාතික ගීය හා යෝවද තම්පව ගාථාව කියා  පැමිණි  ලෙසම එක අයෙක් ගොස් විනාඩි පහකට පසු අනිකා පරිද්දෙන් පිටව යා යුතුය.

සටහන- ඡායාරූප වලින් දැක්වෙන්නේ වීරවංශ තුමාගේ පාටියේ උදවිය බෑන් කී මූන් ට විරුද්ධව පැවත් වූ උද්ඝෝෂණයේ අවස්ථා දෙකකි. ඒවා මොන තරම් සාමකාමිද බලන්න.

Advertisements

පසුගියදා මාධ්‍යවේදින්(journalists ) යැයි කියා ගත් පිරිසක් විසින් පැවත් වූ කලු ජනවාරිය (January) උද්ඝෝෂණය මවුබිම (motherland) අපකීර්තියට පත් කිරීම සඳහා පැවත් වූ එකක් බව වාර්තා ( report ) වේ. මෙය සංවිධානය (organize) කිරීමට අවශ්‍ය මුදල් (money ) ලැබී ඇත්තේ බටහිර රටවලින් (western countries ) බව දැන ගන්නට ලැබී ඇත.

මෙම ව්‍යාපාරය පි‍ටුපස (behind ) කොටි සංවිධානය (LTTE)   හා ජනතා විමුක්තී පෙරමුණේ කැරලිකරුවන් ද සිටී( sit) . ඔවුන් රජයට (government) එල්ල කරන චෝදනා සම්පූර්ණයෙන්ම(completely ) අසත්‍ය බව රජය (government) කියයි.

මේ අතර ප්‍රකාශයක් (statement) කරන ජනමාධ්‍ය ඇමතිවරයා(minister )   මාධ්‍යවේදීන්(journalists)  වෙනුවෙන් පෙනී සිටින බවට  බොරු බේ ගල්( bay stone) ඇදබාමින් මහ මඟ (road ) බෝඩ් (board) ල්ලාගෙන කෑගසන පුද්ගලයන් (people ) ක්‍රියාකාරීව(active ) මාධ්‍යයේ නියැළෙන්නන් නොවන ( not)  බවත් ඔවුන්ගේ වෑයම රටට එරෙහි කුමන්ත්‍රණ කිරීමේ කොන්ත්‍රාත්තුව(contract )  ඔස්සේ හැකි තරම් ඩොලර් (dollar ) උපයා ගැනීම බවත් පවසයි(said ) .

මේ අය  කිසිවෙකු මාධ්‍යයට  ආදරයක් (media love ) නොමැති බවත් ඔවුන්ගේ ආදරය (theri love )  පවතින්නේ රට පාවා දී ඩොලර්(dollar )  උපයා ගැනීමට පමණක්(only  )බවත් හෙතෙම පැවැසීය.

අද  රට තුළ පවතින්නේ සැබෑ නිදහසක් (freedom ) මෙන්ම සැබෑ මාධ්‍ය නිදහසක් වුවත් එය භුක්ති නොවිඳ( not eating )  රට හැර ගොස් සිටින මාධ්‍ය නඩයට( meedia team ) ඒ ගැන කතා කිරීමට අයිතියක් නැති (no right ) බවද ඇමැතිවරයා (minsiter) කීය.

මේ අතර අතුරුදහන්(vanished )  වී ඇතැයි කියූ ප්‍රගීත් එක්නැලිගොඩ(Eknaligoda )  නැමති දේශද්‍රෝහියා විදේශ රටක (foriegn country ) සැඟවී සිටින බවට හිටපු (ex) නීතිපතිවරයා කල හෙලිදරව්ව් සමග මෙරට (this country) සිටින දේශද්‍රොහී කල්ලි බලවත් (very much)  කලබලයකට පත්ව මෙම උද්ඝෝෂණය සූදානම් කල බවට වාර්තා(report ) ලැබී තිබේ.

ව්‍යාජ (false) මාධ්‍යවේදීන් මෙසේ රට අපකීර්තියට පත් කිරීමට එරෙහිව?(against )  දේශප්‍රේමි මාධ්‍යකරුවන් එක්ව සුදු (white) පෙබරවාරිය නමින් උද්ඝෝෂණයක් කිරීමට සූදානම් (ready) වේ. මහින්ද ගොමසුන්දර, ගාමිණි සුලුදියසේකර, කුනුකනදාස සූරියාරච්චි හා ලැප්ටොප්කුමාර රාමවික්‍රම ආදි දේශප්‍රේමී මාධ්‍යවේදින් මේ සඳහා පෙරමුණ( front )  ගෙන සිටිති.

……………..(අප) කීර්ති පාටකුලසූරිය)…………..

 

“විවිධ හේතු නිසා මෙම වසර තුළ තායිලන්තයේ වෙබ් අඩවි 47,000 ක් අවහිර කිරීමට එරට රජය පියවර ගෙන ඇතැයි ජනමාධ්‍ය හා ප්‍රවෘත්ති අමාත්‍ය කැබිනට් ප්‍රකාශක කෙහෙලිය රඹුක්වැල්ල මහතා පවසයි. මේ අතර කිසිදු රාජ්‍ය විරෝධී වෙබ් අඩවියක් චීනයේ ක්‍රියාත්මක වීමට එරට රජය අවස්ථාව ලබා නොදෙන බවද රඹුක්වැල්ල මහතා පෙන්වා දෙයි.”

(ඉහත ලිපි කොටස අප උපුටා ගත්තේ ලංකා සී නිව්ස් නැමති අන්ත වර්ගවාදි ,රාජ්‍ය ගැති වෙබ් අඩවියෙනි. එම අඩවිය පවත්වා ගෙන යන්නේ කුප්‍රකට ලෙමන් පෆ් වීරයාගේ පිරිහෙන  ප්‍රති රූපයට හුලං ගසා පිම්බීමටය.’)

දැන් මේ මහත්වරුන් අපට කියන්නේ තායිලන්තය වෙබ් අඩවි 47,000 ක් අවහිර කිරීම හොඳ නම් , චීනය රාජ්‍ය විරෝධී වෙබ් අඩවි එකකටවත් ක්‍රියාත්මක වීමට ඉඩ නොදෙන්නේ නම් අප රටේ වෙබ් අඩවි කිහිපයක් තහනම් කලාට මක් වෙනවාද යන්නයි.අප  මෙන්ම ථේරවාදි බුදු දහම ඇති තායිලන්තයෙන් ආදර්ශයක් ගත්තාට මක් වෙනවාද යන්න මේ උතුමන්ලා අපෙන් නො අසා අසති. එසේම අපට මේතරම් ණය ආධාර දෙන චීනය ආදර්ශයට නොගන්නේ මක් නිසාද යන්න එම ප්‍රකාශයේ ගැබ්ව තිබේ.

ඇත්තටම එය ඉතා හොඳ කථාවකි. ආදර්ශයට ගත යුතු කථාවකි. හැරත් විදේශයන්ගෙන් එබඳු  ආදර්ශ  ගන්නවා නම් එලෙස ආදර්ශයට ගත හැකි ක්‍රියා ඕනෑ තරම් අපටත් පෙන්වා දිය හැක. මේවායින් සමහරක් දැනටමත් ක්‍රියාවට නංවා ඇතැයි ඔබට හැඟුනොත් ඒ ගැන අපේ සම්බන්ධයක් නැති බව පමණක් සටහන් කර ගැනීමට කාරුණික වන්න.

1. ජර්මනියේ ඒකාධිපති හිට්ලර් යුදෙව්වන් හැට ලක්ෂයක් ගෑස් කාමර තුල සමූල ඝාතනය කිරීම

2. ස්ටාලින් 1930-40 ගණන් වලදී සෝවියට් දේශයේ තම විරුද්ධවාදින් යැයි සැක කළ ලක්ෂ ගණනක් හිර කඳවුරු වලට ගාල් කීරීම හා  තවත් ලක්ෂ ගණනක් මරා දැමීම.

3.අපගේ හිත මිතුරු  චීනයේ ඊනියා කොමියුනිස්ට් පාලකයින් 1989 දී ටියන්මාන් චතුරශ්‍රයේ උද්ඝෝෂණය කළ සිසුන් යුධ ටැංකි වලට යට කර මරා දැමීම

4. අපගේ අතිජාත මිත්‍ර ස්වර්ගස්ත ගඩා‍ෆි තුමා තමන්ට විරුද්ධව උද්ඝෝෂණය කල තම රටේම ජනයාගේ හිස් මතට ගුවනින් බෝම්බ හෙලීම.

5. ගඩා‍ෆිගේ පුත්‍ර රත්නයන් රටේ ධනය කාබාසීනියා කරමින් කම් සැප විඳීම

6. ඇෆ්ඝනිස්ථානයේ සිටි තලිබාන් පාලකයින් රටේ ජනයාට සංගීත, සිනමා ඇතුලු සියලු කලා තහනම් කිරීම.

7. චිලී රට , ආර්ජන්ටිනාව ඇතුලු ලතින් ඇමෙරිකන් රට වල සිටි හමුදා පාලකයින් තම විරුද්ධවාදින් , වාමාංශිකයන් තොග ගණනේ අතුරු දහන් කිරීම

8. ඉඩි අමින් තම විරුද්ධවාදින්ගේ මස් අනුභව කිරීම

9. හොස්නි මුබාරක්ලා, ගඩා‍ෆිලා තම රටේ ජාතික ධනය පෞද්ගලික ස්විස් බැංකු ගිණුම් වල ගොඩ ගසා ගැනීම.

10. තායිලන්තයේ ප්‍රධානම සංචාරක ආකර්ෂණය ගණිකා වෘත්තියයි

11……..තව ආදර්ශයට ගත හැකි දෑ බොහොයි……

2009 මැයි මාසයේ එල් ටී ටී ය සමූලඝාතනය කිරීමත් සමග අප රටේ පාලකයින් පත් වූයේ බලවත් අසීරු තත්වයකටය.  වසර තිහක් මුලුල්ලේ කොටි බිල්ලා පෙන්වමින් ජනතාවගේ සැබෑ ප්‍රශ්න යට ගැසු ඔවුන් ආර්ථික හා දේශපාලන කරුණු මත ජනතාව ආණ්ඩුවට විරෝධතා පල කරන විට ඔවුන්ගේ අවධානය වෙනතකට හැරවීම සඳහා නොයෙක් ආකාරයේ අලුත් අලුත් බිල්ලන් මවා පෙන්වයි.

බෑන් කී මූන්, නවනීදම් පිල්ලෙයි, ග්‍රීස් යකුන්, ඇමෙරිකාව, යුරෝපය, ඉන්දියාව ,රෝ සංවිධානය, ටී ඇන් ඒ , විරුද්ධ පක්ෂ, සුලු ජාතින් ආදින් විටින් විට ඒ සඳහා ‍තෝරා ගෙන ඒ ‍තෝරා ගත් අයට විරුද්ධව රාජ්‍ය මාධ්‍යද, රාජ්‍යයට කඩේ යන මාධ්‍යද භාවිතා කරමින් පහර දෙයි. ඔවුනට විරුද්ධව වෛරය වපුරයි. ජාතිවාදය වපුරයි.

මේ අංශයේ පෙරමුනේම සිටින්නේ ඕනෑම ජරාවක් ගිල දැමිය හැකි හා ඕනෑම කුණුහරුපයක් ඇද බෑ හැකි කුණු කනුවක් බඳු කටකුටක් හිමි විකාරවංශයි.
 
පසුගියදා ලංකාවට පැමිණි බ්ලේක් නම් වූ ඇමෙරිකානු නිලධාරියාට එරෙහිව මේ පුද්ගලයා කල ප්‍රකාශයක් ඔහු විසින් පවත්වාගෙන යන වර්ගවාදි  වෙබ් අඩවියක පසු ගියදා පලව තිබූ  පහතින් දැක්වෙන්නේ විකාරවංශලා විසින්  වපුරන උමතු  වර්ගවාදී විෂබීජ වලින් මනස රෝගී වූ පුද්ගලයෙකු  එහි ලියූ කොමෙන්‍ටුවක් පහත දැක්වේ. උපවාස වංශලා, නලින්ද සිලවා ලා, අමරසේකරලා ඇතුලු  ජාතිවාදි පිස්සන් මේ රට තල්ලු කරන්නේ කොතැනටද යන්න මෙයින් හොඳටම පැහැදිලි වේ.

 

“මේකට හොදම විසදුම අපි ආයුද සන්නදවෙලා ජනතාව හැටියට අතිරේක සිවිල් හමුදාවක් හැටියට ලෑස්තිපිට ඉන්න මේ face බූක් විප්ලව කාරයෝ පාරට බැස්සොත්මුන්ගේ අඬු කඩන්න බෙලි කපන්න බොකු එලියට අදින්න . යකෝ හමුදා කදවුරුවලට ගහන්න සුළුජාතික බැල්ලිගෙ පුතාල ආයෙත් ලැස්ති උනොත් සුදානම් කරන්න බස්, අපිට යන්න මුන්ගේ පළාත් වලට ගිහිල්ල මුන්ව මට්ටු කරන්න . උන් ජනතාව හැටියට හමුදා කදවුරු වටකරන්න පුලුවන්නම් අපිට ජනතාව හැටියට හමුදා කදවුරු වටකරන එවුන්ගේ කොදු කඩන්න අයිතිය තියෙනවා . බැහැපියව් පරබල්ලෝ facebook වීරයෝ සහන් ෆෙරනාදෝ ල .රොඩියල තොපේ බොකු adala මරන්න . ඒ එක්කම මුන්ගේ මුලස්ඨාන වටකරමු ngo කාර බල්ලන්ගේ තිප්පොළවල් . හෙට පොත් ප්‍රදර්ශනයේ අමතක නොකර ngo කාරයන්ගේ (මුන්ගේ ආයතන වලින් පොත් විකුණනු ලබයි ) මූණු මතක තියාගන්න පසුව ප්‍රයෝජනයට ගන්න . වරෙව් විප්ලව කරන්න අපි සුදානම් තොපි මරන් කන්න”

 
තමන්ට ලැබීමට ඇති  හිඟ වැටුපක් ඉල්ලා  මේ   දිනවල  කෙරෙන විදුලි සේවක  වෘත්තීය අරගලය ගැන  කතා  කරන  දේශප්‍රේමී,  දේශමාමක, දේශ භක්ෂක  දශසිල් ධාරි අති ගරු ච. රණවක  තාවකාලික  ස්ථවිර ඇමතියාණෝ,  එම  හිඟ මුදල යුද්ධය පැවති සමයේ කල වැටුප් වැඩි කිරීමකට අදාළ දෙයක් නිසා , එම මුදලම  යුද්ධයට කැප කල   යුතු  යැයි කියති.
 
ඇත්තෙන්ම එය ඉතාමත් දේශප්‍රේමී යෝජනාවකි. කාලෝචිත යෝජනාවකි. දැන් යුද්ධය අවසන් නිසා යුද්ධයට මුදල්  කැප කරන්නේ මොන කෙහෙම්මලකට දැයි අසන දේශප්‍රේමීන්ගේ ගොඩට අප නොවැටිය යුතුය.
 
යුද්ධය තවම ඉවර නැත. එය ජයටම කෙරී ගෙන යයි. ප්‍රබාකරන් අවසන් කලද ඊටත් වඩා දරුණු ඩයස්පෝරා නමැති ත්‍රස්තවාදියෙක් සිටී. මේ ඩයස්පෝරා සමග කල්ලි ගැහී අපේ මාතෘ භූමියට කෙලවීම තම ජීවිතයේ එකම අරමුණ කර ගත් බෑන් කී මූන් – – සමා වෙන්න , ඌ දැන් ත්‍රස්තවාදියෙක් නොවේ- බටහිරයා නමැති එකෙක්ද සිටී.
 
එසේම යුද සමයේ රට පැන්න කොටින් හොර රහසේම උතුර හා නැගෙනහිර පළාත්වලට නැවත පැමිණ ඇතැයි ඊයේ පෙරේදා වාර්තා කලේ රණවක තුමාගේ වර්ගයේම දේශප්‍රේමියෙක් වෙන පොඩි වංශ තුමාගේ වෙබ් අඩවියයි.
 
ඒ මදිවාට මුන් රටේ දකුණු පළාත් වලට පැන නොයෙක් ආකාර ත්‍රස්ත ක්‍රියා කරති. පසු ගියදා කටුනායක සිදු වුයේ එවැනි ත්‍රස්ත ක්‍රියාවකි. එහිදී එක ත්‍රස්තවාදියෙක් මරා දමා  පළාතේ සාමය ආරක්ෂා කර ගැනීමට දේශප්‍රේමී ආණ්ඩුවට යම්තම් හැකි විය.
 
ඉතින් අප මුන්ට විරුද්ධව යුද නොකළ යුතුද? ඔයාකර හිඟ වැටුප් ගෙවීමට සිදු වුවහොත් මේ දේශප්‍රේමී යුද්ධයට අවශ්‍ය අවි ආයුධ ගන්නේ කෙසේද?
 
ඉතින් මේ සියලු ආකාර ත්‍රස්තවාදීන් පැරදවීමට මුදල් අවශ්‍ය නොවේද. තුවක්කු පතුරම් වලට අමතරව ත්‍රස්ත මර්ධනයේ නවීන අවි  ආයුධ වන බයිසිකල් චේන් , යකඩ පොලු හා බල්ලන්ගේ ඔලු ආදිය මිලට  ගැනීමටම  කොතරම් නම් මුදලක් අවශ්‍යද?
 
එම නිසා මේ වෙලාවේ දේශප්‍රේමින්වශයෙන් විදුලි සේවකයින් තමන්ගේ  හිඟ වැටුප ලබා යුතුය. ඒ පමණක් නොව , රටේ සියලු දෙනා තම තමන්ට හැකි පමණ මේ යුද්ධයට තම ආධාරය ලබා දිය යුතුය. ච. රණවක තුමා හරිය.
 
 
 
 
 


කාලයක් අපේ රටේ සිංහල ජනතාව අතර දේශප්‍රේමියෙකු මෙන්ම ජාතික වීරයකු වශයෙන්ද සැලකුම් ලැබූ ජනරාල් සරත් ෆොන්සේකා අද දේශද්‍රෝහියෙකු වශයෙන් නම් කර සිර ගත කර දමා ඇත. ලංකාවේ වීරයන් දුෂ්ටයන් බවට හා දුෂ්ටයන් වීරයන් බවට මෙන්ම , දේශප්‍රේමින් දේශද්‍රෝහීන් බවටත් දේශද්‍රෝහීන් දේශප්‍රේමින් බවටත් පත් කිරීමට ගත වන්නේ ඉතා සුළු කාලයකි.

මෙහි කෙනෙකු ද්‍රෝහියෙකු හෝ වීරයෙකු බවට තීරණය කෙරෙන්නේ ඔහු කොතරම් දුරට පාලකයින්ට දණ නමස්කාර කිරීමට සූදානම්ද යන්න මතය.

යම් කෙනෙකුන් පාලක රෙජීමයට එරෙහිව යන්නේ නම් හෝ ඔවුන් ව විවේචනය කරන්නේ නම් එම පුද්ගලයා දේශද්‍රෝහියෙකි, පාවාදෙන්නෙකි, බටහිර අධිරාජ්‍ය වාදීන්ගේ අත කොලුවකි, NGO කුමන්ත්‍රණ කරුවෙකි, දුෂ්ටයෙකි, බෑන් කී මූන්ගේ ඒජන්තයෙකි, සොරෙකි , මිනීමරුවෙකි,පිශාචයෙකි,………………………..

පාලකයින් ගේ අත්තනෝමතිකත්වය , ඒකාධිපතිත්වය , දූෂණ , වංචා ආදියට එරෙහිව යමෙකු හඬ නගන්නේ නම්, එම හඬ නගන්නාට එරෙහිව ඉහත නාම කරනයන් යොදා ගනිමින් තදින් පහර දීමට සූදානම් පිරිසක් සිටිති. මාධ්‍ය භාවිතය ගණිකා වෘත්තියේ යොදවන විද්‍යුත් හා මුද්‍රිත මාධ්‍ය ගොන්නක්ද , ආණ්ඩුවේ විවේචකයින්ට දේශද්‍රෝහී ලේබලය අලවමින් ඔවුන්ව දන් ගෙඩියට දැක්කීමට සහය දෙන හා ඒ වෙනුවෙන් මහජන මුදල් තම සැප විහරණයට යොදා ගැනීමට අවසර ලබා සිටින හිටපු ඊනියාවිප්ලවවකාර හා අද විහිලු කාර උපවාසවංශලාත් , උපවාසවංශ ලාගේ එල්ලී ඒ පිහිටෙන් රජ සැප විඳින දේශහිතෙෂි දත් දොස්තරලාත් බෙන්ස් කාර් වල නැගී වේගයෙන් ධර්ම රාජ්‍ය කරා යමින් සිටින ගණින්නාන්සේ ලා හා තට්ටේ බාගෙන සිටින ඇබිත්ත කොලුවනුත් ඒ අතර ප්‍රධානය.

දේශීය වශයෙන් මෙවැනි ද්‍රෝහියෙකු සොයා ගත නොහැකි නම් විදෙස් රාජ්‍ය නායකයෙකු, අන්තර් ජාතික සංවිධානයක නායකයෙකු වැනි ඕනෙම කෙනෙක් අල්ලාගෙන පතුරු ගැසීම මොවුන්ගේ සිරිතය . ජනතාවගේ සිත් තමන් පෙලන සැබෑ ප්‍රශ්න වලින් ඉවත් කර දේශප්‍රේමයේ ගිල්වා තැබීම මුන්ට පැවරී ඇති වගකීමය.

දේශීය වශයෙන් ආණ්ඩුවේ විවේචකයන් වන ජවිපෙ , එජාප, ෆොන්සේකා වැන්නවුන් පමණක් නොව නොර්වේ, එක්සත් ජාතීන්ගේ සංවිධානය , බෑන් කී මූන් , දරුස්මාන්, හා ඇමෙරිකාව ද මොවුන්ගේ ප්‍රහාරයට ලක් වන්නේ මේ නිසාය. මෙම ප්‍රහාර එල්ල කරන තරමටය මොවුන්ගේ කුස පිරෙයි. බැංකු ගිණුම් තර වේ.

පහර දීමට කිසිවක් හෝ කිසිවෙක් සොයා ගත නොහැකිනම් මොවුන් තම සිතෙන් මව ගත සතුරෙකුට හෝ පහර දී ජනතා අවධානය ඒ වෙත යොමු කිරීමට උත්සාහ ගනිති. මේ දින වල ඔවුනගේ සතුරා වී ඇත්තේ ආසනික්ය. විදෙස් සවාරි ලැබේ. මොවුන් අතර සිටින එක දේශ හිතෙශියෙක් තමන් පොදු දේපල කිසිවක් තම පෞද්ගලික පරිහරණයට නොගන්න බවත් , අඩුම තරමෙන් රජයේ වාහනයක්වත් භාවිතා නොකරන බවත් , රාජකාරි සඳහා ගමන් කරන්නේ පවා දුම්රියේ බවත් නිතර කියයි. එහෙත් සං විධානයට ලැබෙන මුදලින් සුඛෝපභෝගී දිවියක් ගත කරයි.

මා මේ ඊනියා දේශප්‍රේමින් මොන විදියේ මිනිසුන්දයි මෙසේ ලිව්වේ ඔවුන් විසින් පතුරු ගැලවීමට සියලු සුදුසුකම් සපුරා සිටින අලුත් ද්‍රෝහියෙකු ගැන කියන්නටය. ඒ අන් කිසිවෙක් නොව ශ්‍රී ලංකා ක්‍රිකට් කණ්ඩායමේ හිටපු නායක කුමාර් සංගක්කාර ය. ඔහු පසුගියදා ලෝර්ඩ්ස් හිදී කල සුප්‍රකට දේශනයේදී, කුමන හෝ හේතුවක් නිසා, ලංකාවේ ක්‍රීඩා පරිපාලනය දැඩිව විවේචනය කළේය.

ඔහු එය කලේ කුමන හේතුවක් නිසාදැයි අපි නොදනිමු . එය වැදගත් නැත. කුමන හෝ හේතුවක් නිසා ඔහු තමන් පෙම් කරන ක්‍රිකට් වෙනුවෙන් සටන්වදින්නට තීරණය කර ඇත. ඔහු එය කලේ එහි ඇති අවදානම නොදැන විය නොහැක.

ශ්‍රී ලංකාවේ ක්‍රීඩාව දේශපාලනීයකරණය වීම නිසා විනාශ වෙමින් පවතින බව ඔහු තම දේශනයේදී අවධාරණය කල අතර එය පැහැදිලිවම රටේ පාලකයින් වෙත එල්ල කල අභියෝගයකි. ඔහු නොබියව එම අභියෝගය එල්ල කලේ පාලකයින්ට අභියෝග කල ජනරාල් ෆොන්සේකා වැන්නවුන්ට වුනු ඉරණම පවා දැක දැකය.

විශ්‍රාම වැටුප් සටනට එක වූ කටුනායක කම්කරුවන්ද වැටුප් සටනේ යෙදී සිටින සරසවි ඇදුරන්ද ආදී වශයෙන් වූ පිරිස් දැන් තම අයිතිවාසිකම් වෙනුවෙන් සටන් වැඩි පිරිස් අප මේ දින වල දකිමින් සිටිමු. ඔවුන් තම පුද්ගලික අභිමතාර්ථ වෙනුවෙන් වුව මේ සටන් වදින්නේ අප කලින් කී වන්දිබට්ටයින් විසින් අනභිබවනීය යැයි ඔසවා තැබූ රෙජිමයකට එරෙහිවය. මේ පිරිස් වල දැඩි පහර දීම් වලට ගොදුරු විය හැකි බව දැන දැන ය. තමන්ට අවලාද අපහාස වලට ගොදුරු වන්නට සිදු විය හැකි බව දැන දැන ය.

සංගාට එරෙහි සටන දැනටමත් ඇමති අලුත්ගමගේ විසින් පටන් ගෙන ඇත. උපවාසවංශ ඇතුළු ඊනියා දේශප්‍රේමින් ඒ පසු පසින් කඩු අමෝරා ගෙන සංගක්කාරට එරෙහිව සටනට එනු ඇත.

එංගලන්තය වැනි අධිරාජ්‍යවාදී රටකදී තම රට විවේචනය කිරීම මහා ද්‍රෝහී කමක් බවත්,සංගක්කාර අධිරාජ්‍යවාදීන්ගේ ඉත්තෙකු බවත් අපට ළඟදීම වන්දිබට්ට මාධ්‍ය හරහා ඇසෙන්නට ලැබෙනු ඇත. එසේම සංගක්කාර මුදලට තරඟ පාවා දුන් කෙනෙක් බවටත්, ඔහු දිගටම තහනම් උත්තේජක භාවිතා කල අයෙකු බවටත් මේ හොර දේශප්‍රේමී තක්කඩි රැල අපිට නොපැවසුවොත් එය මහා පුදුමයක් වනු ඇත. කෙටියෙන් කිවහොත් සංගා දැන් දේශද්‍රෝහියෙකි, පාවාදෙන්නෙකි, බටහිර අධිරාජ්‍ය වාදීන්ගේ අත කොලුවකි, NGO කුමන්ත්‍රණ කරුවෙකි, දුෂ්ටයෙකි, බෑන් කී මූන්ගේ ඒජන්තයෙකි, සොරෙකි , මිනීමරුවෙකි,පිශාචයෙකි,………………………..

සංගා එයට මුහුණ දෙන්නේ කෙසේදැයි අප නොදනිමු. නමුත් මීට ප්‍රථමයෙන් ද අප කීවාක් මෙන් මේ එළඹෙන්නේ ඒකාධිපතිත්වයට එරෙහිව සටන් වදින යුගයයි. දැනට එය ඇත්තේ තැන තැන වල ඇවිලෙන හුදකලා කැරලි වශයෙන් පමණක් වුවත් අනාගත එතරම් අඳුරු නොවන බව සංගා ඒ ගැන ඔහු නොසිතාම අපට නැවතත් සිහිපත් කර දෙයි. ඔහු නොසිතාම එසේ කළා යැයි යැයි මා කියන්නේ ජනතා අයිතීන් සඳහා වන පොදු සටනේ දී සංගා ලා බොහෝ විට කොටස් කාරයින් නොවෙන බැවිනි. සමහර විට ඔවුන් සිටින්නේ බැරිකේඩයේ අනිත් පැත්තේද විය හැකි බැවිනි.

එසේ වුවත් එයින් ඔහු අද මේ කල කතාවේ වැදගත් කම කිසිසේත් අඩු නොවන්නේය.

 

මූන්, මූන්, මූන්, මූන්, මූන්,මූන්, මූන්, මූන්, මූන්, මූන්, මූන්, මූන්,  මූන්, මූන්, මූන්,  මූන්,  මූන්,  මූන්,  මූන්,  ජීවන වියදම , මූන්,  මූන්, මූන්, මූන්, මූන්,මූන්, මූන්, මූන්, මූන්,  මූන්, මූන්, මූන්,මූන්, මූන්,ඩෙංගු , මූන්, මූන්, මූන්,මූන්, මූන්, මූන්, මූන්,  මූන්,  මූන්, මූන්, පෞද්ගලික අංශයේ විශ්‍රාම වැටුප් ,මූන්, මූන්, මූන්, මූන්, මූන්,මූන්, මූන්, මූන්, මූන්, මූන්, මූන්, මූන්,මූන්, මූන්, මූන්, මූන්, මූන්,මූන්, මූන්, මූන්, මූන්, මූන්,බඩු මිල ,මූන්, මූන්, මූන්, මූන්, මූන්,මූන්, මූන්, මූන්, මූන්, මූන්, මූන්, මූන්,මූන්, මූන්, මූන්, මූන්, මූන්,මූන්, මූන්,සරත් ෆොන්සේකා ,මූන්, මූන්, මූන්, මූන්, මූන්, න්, මූන්, මූන්,මූන්, මූන්, මූන්, මූන්,  මූන්, මානව හිමිකම් , මූන්, මූන්, මූන්, මූන්, මූන්, මූන්,,දූෂණ, මූන්, මූන්, මූන්, මූන්, මූන්, මූන්, මූන්, මූන්,මූන්, මූන්, මූන්, මූන්, මූන්,  මූන්,මූන්, මූන්, මූන්, සුදු වෑන්, මූන්, මූන්,මූන්, මූන්, මූන්, මූන්, මූන්, මූන්, මූන්,මාධ්‍ය නිදහස ,මූන්, මූන්, මූන්, මූන්, මූන්,මූන්, මූන්, මූන්, මූන්, මූන්,  මූන්,මූන්, මූන්, මූන්, මූන්, මූන්,මූන්, මූන්, පවුල් පාලනය ,මූන්, මූන්, මූන්, මූන්, මූන්,විශ්ව විද්‍යාල ප්‍රශ්න ,මූන්, මූන්, මූන්, මූන්, මූන්,මූන්, මූන්, මූන්, මූන්, මූන්, මූන්, මූන්,මූන්, මූන්, මූන්, මූන්, මූන්,මූන්, මූන්, මූන්, මූන්,  මූන්,  මූන්, මූන්,මූන්, මූන්, මූන්, මූන්, මූන්,මූන්, මූන්, මූන්, මූන්, මූන්,මූන්, මූන්, මූන්, මූන්,  මූන්,  මූන්, මූන්,මූන්, මූන්, මූන්, මූන්, මූන්,මූන්, මූන්, මූන්, මූන්, මූන්,මූන්, මූන්, මූන්, මූන්,  මූන්,  මූන්, මූන්