Posts Tagged ‘නලින් ද සිල්වා’

president-mahinda-rajapaksa-on-dambulla-development-project

දේශප්‍රේමී , දේශහිතෛශි නායකයින් ලෙස පෙනී සිටින උන්   බලයේ ‍රැඳී සිටීම සඳහා ජාතිවාදි අදහස්  වපුරන විට උන්ගේ අඥාන නූගත්  අනුගාමිකයන් එම අදහස් ක්‍රියාවට නගමින් රටම ගිනි තියන බව අප පවසන විට කොස්,ජයශ්‍රී, ඉන්ද්‍රජිත් කනියා බඳු උන් රෙදි කරට ගෙන අපට පහර දීමට ආවේ ,ලංකාවේ ජාතිවාදයක් නැතැයිද අප බොරු කියන්නේ යැයිද කියමිනි. ගාල්ලේ සිදුවීම ජාතිවාදය නිසා නොවූවක් බවත්, ලංකාවේ එවැනි දෑ සිදු නොවන බවත් ඔවුහු පුන පුනා කීහ. ඔවුන්ට අනුව සිංහලයා ජාතිවාදි නොවේ. ජාතිවාදි වැඩ කරන්නේ සුලු ජාතින් පමණි. එම සුලු ජාතිවාදින්ට උඩගෙඩි දෙන්නේ යැයි අපටද චෝදනා කලහ.

අපට බැන වැදුනු ඒ ගරු කටයුතු මහත්වරුන්ගෙන් අප අසන්නේ දැන් දඹුල්ලේ සිදු වන්නේ කුමක්ද යන්නයි.  පූජාභූමි තුල අන්‍යාගාමිකයන්ට ඉඩ නැතැයි කියමින් උන්ගේ පල්ලිවලට පෙට්‍රල් බෝම්බ ගහන්නේත්, එම පල්ලි සුණු විසුනු කිරීමට කැස කවන්නේත් පෞද්ගලික හේතු නිසාද? නැතිනම් නග්න  වර්ගවාදය  නිසාද? නැත්නම් එය  වෙන කුමක්ද?

ඉනාමලුවේ සුමංගලලා පසුපස අද යන්නේ චම්පකලා වීරවංශලා විසින් මොල සුද්ද කල  මිනිසුන් නොවේද? විසකුරු ජාතිවාදි විසබීජ එන්නත් වූ මිනිසුන් නොවේද? සිංහලයින්ට ශ්‍රීලංකාව හැර අන් රටක් නැතැයි කියන කනියා බඳු මිනිසුන් නොවේද? කිසිම මාධ්‍යයකින් මෙතෙක් අනාවරණය නොකළ , ඔහුට පමණක් දැන ගන්නට ලැබුණු දෙමලුන්ගේ කිරිබත් කෑම් ගැන ගල් පැලෙන බොරු ලියන ඉන්ද්‍රජිත් බඳු මිනිසුන් නොවේද?

මේ වෙලාවේ කල යුත්තේ සිදුවන විනාශය දැක එයට එරෙහි වන්නැයි ඉල්ලන උන්ට ගල් ගැසීම නොව  එම විනාශයට එරෙහිව කටයුතු කිරීමයි. වීරවංශ, නලින් සිල්වා, ගුණදාස අමරසේකර, චම්පක බඳු විෂබීජ නිපදවන්නන් හා දිවයින බඳු විෂබීජ ප්‍රවාහකයින් හෙලිදරව් කිරීමයි. අප කිරීමට උත්සාහ කරන්නේ එයයි.

සටහන- මීට වසර ගනනකට කලින් කණ්ඩලම හෝට්ලයට එරෙහිව ගිනි තබා ගන්නවා යැයි දිවුරු මේ ඉනාමලුවේ සුමංගල උන්නාන්සේ අද දානය ලබාගන්නේත් එම හෝටලයෙනි.

Advertisements

මෙතුවක් කල් මේ ආණ්ඩුවේ ආරක්ෂකයින් වශයෙන් පෙනී සිටිමින්  දේශභිමානි  දේශප්‍රේමී ගී ගැයූ වීරවංශ  සහ චම්පික උතුමන්ලාගේ රාජකාරිය හමාර වී තිබෙන බවකි. දැන් අවශ්‍යව ඇත්තේ 13 + වෙනුවෙන් නොබියව පෙනී හිටින වීරයන්ය. ඒ ජාතියේ එක වීරයෙක් දැනටම කල එලි බැස තිබේ. ඒ ඇමති ඩිලාන් පෙරේරාය. මේ ඇසෙන්නේ එතුමාගේ හඬය. 

උතුරේ සාමාන්‍ය මිනිහටයි දකුණේ සිංහලයන්ගේ සාමාන්‍ය මිනිහටයි ප්‍රශ්නයක් නැහැ.

ඒ අයට දහතුනද දහතුන ධන එකද දහතුන රින එකද කියන එක ‍නෙවෙයි ප්‍රශ්නය පාර,ලයිට්, ප්‍රජා ශාලාව, ඉස්කෝලෙ, ඉගෙනගත් අයට රැකියාවක්. ඒවට ප්ලස්  ඒ නිසා 13ට විරුද්ධවන උතුරේ ඉන්න අයටත් 13ට විරුද්ධ වන දකුණේ ඉන්න අයටත් 13 රින එක ධන එක කියාගෙන බෙරිහන්දෙන උතුරේ ඉන්න අයටත් දකුණේ ඉන්න සමහර උරුමේ කියාගන්නා කරුමක්කාරයන්ටත් මට කියන්න තියෙන්නේ සාමාන්‍ය මිනිසුන්ට ඕනෑ තමාගේ පළාතේ ඉඩම් ටික, තමාගේ පළාත්වල ‍පොලීසියවල වැඩකරනකොට තමාගේ භාෂාවෙන් වැඩකරගෙන තමාගේ පළාතේ තිබෙන ඉස්කෝල ටික ඒ පලාතට ඕනෑ විදියට පාලනය කරගන්න.

මගෙන් කවුරුහරි ඇහුවොත් බදුල්ල දිස්ත්‍රික්කයේ තියෙන පාසල් ටික පාලනය කිරීම බන්දුල ගුණවර්ධන මහත්තයට දෙනවද නැතිනම් ඌව පළාත් අධ්‍යාපන භාර ශෂීන්ද්‍ර මහත්තයට දෙනවටද කැමැති කියල මං අත්දෙකම උස්සලා කියන්නේ ශෂීන්ද්‍ර රාජපක්ෂ මහත්තයට දෙනවට කැමැතියි කියලා.

මොකද ශෂීන්ද්‍ර රාජපක්ෂ මහත්තයට තමයි අපේ පළාතේ අධ්‍යාපනය ගැන  තේරෙන්නේ. එතුමාට  දුන්න නම් කවදාවත් එතුමා මේ ද්විතීක පාසල් ක්‍රමය මේතරම් ඉක්මනට ගෙනැල්ල මේ අධ්‍යාපන අවුල ඇති කරන්නේ නැහැ.

ද්විතීක අධ්‍යාපන ක්‍රමය හොඳයි ගේන්න ඕනෑ සැලසුමක් ඇතිව සූදානමක් ඇතිව ක්‍රමානුකූලවයි.

අපි පුංචිකා‍ලේ කරුමක්කාරයෝ කියල නව කතාවක් තිබුණා. ඒක ලිව්වේ ගුණදාස අමරසේකර කියන මහත්තයෙක් ඒකේ තිබ්බේ හද්ද කුණුහරුප අපේ හාමුදුරුවනේ ඒකේ තියන සමහර කුණුහරුප මට මෙතැන කියන්න බැහැ. බැහැයි ඒ කුණුහරුප ලියපු සමහර මහත්තුරු දැන් අපේ උරුමය ගැන කතා කරනවා. හැබැයි ‍පොතේ තියෙන්නේ කුණුහරුප.”

කැළණියේ  ආචාරිය සිල්වලා දෙදෙනෙක් සිටිති. එක්කෙනෙක් කැළණිය නාථ දේවාලයේ කපු ධුරන්දර ආචාරිය මඤ්ඤං සිල්වාය. ඇත්තටම මේ කපු තුමා මහාචාරිය කෙනෙක්ය. අනික් ආචාරිය තුමා කැළණිය විෂ්ණු දේවාලයේ අයිතිකාර ආචාරිය මැරසිල්වාය.

මේ දවස් වල දකින්ට අහන්ට ලැබෙන ප්‍රවෘත්ති වල හැටියට මේ ආචාරිය දෙන්නාගෙම කල දසාව හොඳ නැත.

නාථ දේවාලයේ ආචාරිය තුමාට දැනටම කෙලවිලාය. එතුමා මැරෙන කල් දේවාලයේ ඉන්ට ප්ලෑන් ගැහුවත් , එතුමා යටතේ හිටිය කට්ටිය එතුමාගේ පිස්සු කෙලිල්ල ඉවසා ගෙන ඉන්ට බැරිම තැන  එතුමා එලවන්න කියලා කල කෝලහල කරන කොට එතුමා ජැනටල් මෑන් වගේ අස් වෙලා යන්ට ගියේ ,  පිං පිරිහුණු නාථ දෙවියන් වගේය.

දැන් කැළණියේ අනිත් සිල්වාටත් විරුද්දව කැරළි කෝලහාල,විරෝදතා  ඇති වී තිබේ. පිට අය නොව අර කලින් සිල්වාට වගේම ගෝලබාලයින්ගෙන්ය. මොකද මේ මෙච්චර කාලයක් එක පතේ කෑ උන් අපේ සිල්වා උන්නැහේට විරුද්ඩව කැරලි ගහන්නේ .කියලා හොයලා බලන්ට වටින කාරණයක්ය.

දැනට අපිට පේන්ට තියෙන හැටියට නම් වෙන කිසිම දෙයක් නොවේය.මේ හොරකම් කරපු මංකොල්ල කාපුවා බෙදා ගන්ට බැරිව හොර රංචුවක් කරන පොරයක්ය.  ලොකු කුට්ටිය අයිති කර ගෙන ඉන්න ලොකු හොරාට විරුද්දව පොඩි හොරු කරන සටනක්ය.මෙච්චර කාලයක් එක ට හොරකම් කරමින්, මංකොල්ල කමින්, කප්පම් ගනිමින් උන් ටිකක් දැන් විරසක වෙලා එකිනෙකාට විරුද්දව කරන සටනක්ය.

එහෙම නැතිව මේ අර හොඳ මහත්වරු ටිකක් නරක සිල්වාට විරුද්දව ,සිල්වාගේ නරකට විරුද්දව කරන සටනක් නොවේය.ගිලෙන නැවකින් පනින මීයන්ගේ කැ‍රැල්ලක්ද නොවේය.මේ සටනෙන් මොකා දිනුවත් ඉතුරු වෙන්නේ පල් හොරුන්ය.

ඒක නිසා මේ සටන දැකලා අපිට දිවයින මුදලාලිට, විජේවර්දන හාමුට, තිලංග බේබිට වගේ චූන් වෙන්නේ නැත.

අනික, මේ සටනේ ජය පරාජය තීරණය වෙන්නේ රාජකරුණාව ලැබෙන පාර්ශ්වයට බව නිසැකය. දැනට තිබෙන සලකුණු අනුව නාථ දෙවියන්ට බලයක්  විෂ්ණු දෙවියන්ට තියෙනවාය. ඒ නිසා කැළණියේ මහාචාරිය සිල්වාට නොලැබුණු  රාජ අනුග්‍රහයක් කැළණියේ ආචාරිය සිල්වාට තිබෙන බවකි.

ඒ නිසා එතුමා මනාප චන්ද එක්ලක්ෂ පණස් දාහක් තමන්ට දුන්න කැළනිය ඇතුලු ගම්පහ ජනතාවට තව චිරාත් කාලයක් , තම ලොක්කාගේ පිං පිරිහෙන තෙක්ම , සේවය කරනවා ඇත. ඒක නවත්තන්ට ඔය ප්‍රාදේශීය සබා කබ්බන්ට බැරිය.

 

සමස්තයක් වශයෙන් ගත් විට ශ්‍රී ලංකාවේ සරසවි යනු එකම අවුල් ජාලයකි. භෞතික හා මානව සම්පත් හිඟය , දේශපාලන ඇඟිලි ගැසීම්, පෞද්ගලීකරණ තර්ජන ,සිසු ගැටලු, ප්‍රතිපාදන කප්පාදුව ආදි දහසක් ප්‍රශ්න වලින් ලංකාවේ විශ්ව විද්‍යාල පද්ධතිය දැවෙමින් පවතී.

ආචාර්ය හිඟය, දේශනශාලා,රසායනාගාර පහසු කම් නොමැති වීම හෝ මඳ වීම, පුස්තකාල පොත්පත් හිඟය,නේවාසිකාගාර ගැටලු අද සරසවි වල සාමාන්‍ය දේවල් බවට පත් ව ඇත. නො එසේනම් ,පේරාදෙණිය සම සෞඛ්‍ය විද්‍යා සිසුන්ට සිදු වුනා මෙන් ,පහසුකම් තිබුනද ඒවා ප්‍රයෝජනයට ගැනීම බාහිර බලවේග විසින් අහුරා ඇත.

මෙම ප්‍රශ්න විශේෂයෙන්  උග්‍රව පවතින්නේ  මෑත භාගයේ රජයන් විසින්  තැන් තැන් වල කිසි සැලස්මකින් තොරව කඩිමුඩියේ ඇටවූ සරසවි , සරසවි පීඨ හා අධ්‍යන දෙපාර්තමේන්තුවලය.

අවම පහසු කම් පවා නොමැති මෙම සරසවි හා පීඨ මෙසේ තනන්නේ එක්කෝ පවතින රජයන්ට අපිත් විශ්වවිද්‍යාලයක් හැදුවා යැයි පම්පෝරි ගසන්නටය. එසේ නැත්නම් කවුරුන් හෝ ප්‍රාදේශීය දේශපාලකයෙකුට” ඔන්න අපේ පලාතටත් මම විශ්ව විද්‍යාලයක් ගෙනාවා ” යැයි කියන්නට ය.

සරසවි තුල අලුතින් පීඨ හෝ අධ්‍යන දෙපාර්තමේන්තු සැදෙන්නේත් එලෙසය. නමුත් ඒ සෘජු දේශපාලන අවශ්‍යතා වලට  වඩා දේශපාලකයින් පස්සේ ගොස් සරසවි තුල බලයක් ගොඩ නගා ගෙන සිටින ආචාර්ය මහාචාර්ය වරුන්ගේ උවමනා එපා කම් වෙනුවෙනි    හෙද,රසායනාගර ශිල්පී,විකිරණ ශිල්පී භෞත චිකිත්සක ආදි පාර වෛද්‍ය සේවාවල නියුතුවූවන්ට උපාධි ප්‍රදානය කරන සම සෞඛ්‍ය විද්‍යා පීඨය රටේ සැබෑ අවශ්‍යතාවක් වූවත් පේරාදෙණියේ එය තැනුනේ එම අවශ්‍යතාව වෙනුවෙන් නොව ඒ වන විට වෛද්‍ය පීඨය තුල තම ප්‍රතිරූපය බිඳ ගනිමින් සිටි මහාචාර්ය චූලා ගුණසේකරගේ පෞද්ගලික න්‍යාය පත්‍රයට අවශ්‍ය පරිදිය. පීඨය පවත්වාගෙන යන්නට තැනක් පවා නොමැතිව, විෂය නිර්දේශයන් පවා සකස් නොකර තිබියදී කඩිමුඩියේ එය පටන් ගත්තේ ඒ නිසාය. සිසුනට අවශ්‍ය රසායනාගාර පහසුකම් , ප්‍රායෝගික පුහුණු වීම සඳහා රෝහල් ආදිය ගැන කිසිම සැලකීමක් නොකරන ලදි.

චූලා ගුණසේකරලාගේ කඩි කුලප්පුවට වන්දි ගෙවීමට සිදුව ඇත්තේ සිසුන්ටය. පීඨය අරඹා වසර පහක් පමණ ගත වී ඇති අතර එම කාලයෙන් වැඩි හරියක් සිසුන් ගෙව්වේ තම අධ්‍යාපන අයිතීන් වෙනුවෙන් උසාවි ගානේ රස්තියාදු වෙමින් හෝ මහ පාරවල් දිගේ පෙලපාලි යමින් පොලිස් හා ආණ්ඩුවේ මැරයින්ගෙන් ගුටි කමිනි. නො එසේනම් ප්‍රායෝගික පුහුණුව සඳහා කාලය හිඟා කමින් පෞද්ගලික රෝහල් වල රස්තියාදු එම පීඨයේ ගුරු වැඩි දෙනා පිටින් පැමිණ උගන්වන බාහිර කථිකාචාර්යවරුන්ය. චූලලාට පිංසිද්ද වෙන්නට සිසුන් ප්‍රමිතියෙන් හා ගුණාත්මක බවෙන් තොර පාඨමාලා දහදුක් විඳිමින් හදාරති.  අදටත් එම  තත්වයේ වෙනසක් නැත.

රජරට විශ්වවිද්‍යාලයේ වෛද්‍යපීඨයේ අද ඇති වී තිබෙන තත්වයද ඊට සමානය. එය සැදුනේ වැඩිපුර වෛද්‍ය සිසුන් ගණනාවකට අධ්‍යාපනය දීම සඳහා වූ පරම පවිත්‍ර චේතනාවෙන් නම් නොවේ. ඇත්තෙන්ම කිවහොත් රජරට වෛද්‍ය පීඨය යනු මහලු මඩමකි. එය තනා ගැනීම සඳහා පුදුමාකර තදියමක් ත් තිබුනේ පේරාදෙණිය පීඨයේ උගන්වා විශ්‍රාම ගොස් අවලංගු කාසි බවට පත්ව සිටි  ආචාර්ය මහාචාර්ය කීප දෙනෙකුන්ටය. දේශපාලන  අධිකාරියේ අමන කමුත් එයට එක්වීමේ ප්‍රතිඵලය අංග විකල රජරට වෛද්‍ය පීඨයයි.

දේශපාලකයින්ගේත් , මේ මහලු ඇදුරන්ගේත් සැබෑ අරමුණ වැඩිපුර වෛද්‍ය සිසුන් ගණනකට අධ්‍යාපනය දීම නම් කල යුතුව තිබුනේ දැනට ස්ථාපිතව ,යම් ප්‍රමිතියක් ඇතිව පවත්වාගෙන යන වෛද්‍ය පීඨවල ඇති පහසුකම් තව වැඩි කර ඒවාට බඳවා ගන්නා සිසුන් ප්‍රමාණය වැඩි කිරීමයි. මහාචාර්ය ඒකක, සායනික පහසුකම් හා සුදුසුකම්  ලැබූ ගුරුවරුන් රහිත මෙවැනි පීඨයක් ආරම්භ කිරීම නොවේ. එම පීඨවල පහසුකම් වැඩි දියුණු කිරීමට අලුතින් , මෙවැනි පීඨ භාග බිහි කිරීමට වඩා වියදම් අඩු ,සිසුනගේ පමණක් නොව රෝගීන්ගේ පැත්තෙන්ද   වඩා සාධාරණ හා අඩු වියදම් ක්‍රියාවකි. එහෙත් එය අලුත් පීඨයක් ඇරඹීම තරම් අඬබෙර ගැසිය හැකි ක්‍රියාවක් නොවේ. එසේම එයින් පැජ් පෙරේරලගේ හා උඩුපිහිල්ලේ ලාගේ විශ්‍රාමික ප්‍රශ්න විස‍ඳෙන්නේද නැති බව නම් සැබෑය.

එහෙත් එයින් සිසුන්ට යම්තරමකට හෝ ප්‍රමිතියක් හා අන්තර්ජාතික පිළිගැනීමක් ඇති වෛද්‍ය උපාධියක් හැදෑරීමට ලැබෙනු ඇත. එය රජරට බඳු වෛද්‍ය පීඨ වලින් බිහිවෙන භාග වෙදුන්ගෙන් ප්‍රතිකාර ලබනවාට වඩා රෝගීන්ටද හොඳය.

වසර විසි තිස් ගණන් පේරාදෙණියේ උගැන්වූ මේ ගුරුවරු නියමිත පහසුකම් නොමැතිව වෛද්‍ය පීඨයක් ඇරඹීම කොතරම් හානිදායක දෙයක් දැයි හොඳාකාරවම දනී. එහෙත් ඔවුනට එය වැදගත් නැත. ඔවුනට වැදගත් තම පොකට්‍ටුව පමණි.අඩුම තරමෙන් පීඨය පටන් ගත් පසුව හෝ මහාචාර්ය ඒකක පිහි‍ටුවා පීඨය දියුණු කර ගැනීමට ඔවුනට අවශ්‍ය නැත. මේ මහලු ගුරුවරුන් පසෙක තැබුවත් , රජරට පීඨයට වැදී සිටින නාථ දෙවියන්ගේ ගෝලයන් වන ජයසුමනලාට හෝ මහමිතවලාටවත් එය අවශ්‍ය බවක් පෙනෙන්නේ නැත.ඇත්තටම ගතහොත් ජයසුමනලා හා  මහමිතවලා රජරට වෛද්‍ය පීඨයේ බංකොලොත් බව පෙන්වන කැටපත් බඳුය. වෛද්‍ය පීඨයක වෛද්‍ය සිසුන්ට උගන්වන ගුරුවරුන් වන මොවුන් දේව බලයෙන් ඩෙංගු රෝගය සුව කල හැකි යයි සිතනවුන් වීම මොනතරම් විගඩමක්ද?

මේ ප්‍රශ්නය ගැන මතු වෙන  ඊලඟ  කරුණ නම් මෙයට සම්බන්ධ වෙනත් පාර්ශව, එනම් රජයේ වෛද්‍ය නිලධාරි සංගමය, වෛද්‍ය පීඅඨ කමි‍ටු වැනි ආයතන සම්පූරණයෙන්ම නිහඬ පිලීතක් අනුගමනය කිරීමයි. මාලබේ වෛදා්‍ය පීඨයෙ සායනික පහසුකම් නැති නිසා එයට මාරන්තිකව විරුද්ධ වෙන මොවුන් රජරට  ගැන නිහඬව සිටින්නේ මන්ද? රජරට සිසුන් නිසි  ප්‍රමිතියකින් යුතු වෛද්‍ය අධ්‍යාපනයක් ලබා එලියට පැමිණ තමන්ට තරඟයක් දේවි යැයි බිය වී වත්ද?

උසස් අධ්‍යාපනය බාර ඇමත්තා සිය  අධෝ මුඛය නැවත වතාවක් විවෘත කර ඒ අසලම තැන්පත් කර ඇති ස්වකීය මෂ්තිස්කයට ගැලපෙන ප්‍රකාශයක් කර තිබේ.විශ්වවිද්‍යාලවල සාමය ‍රැකීමට ඒවා තුල පොලිසී පිහිටවන බව ඔහු කියයි.

මීට ප්‍රථමයෙන් ලංකාවේ සරසවියක් තුල පොලිස් ස්ථානයක් පිහිටවූයේ 1984 දී වන අතර සිසුවෙකුගේ ජීවිතයක් බිල්ලට ගැනීමෙන් අනතුරුව එය ඉවත් කර ගැනීමට ජූනියස් ජයවර්ධනට සිදු විය.දහසකුත් එකක් පීඩනයන්ට යට වී අධ්‍යාපනය ලබන ,ඒ නිසාම ආවේගශීලි හා කැරලිකාර සරසවි සිසුන් පාලනයට පොලිසීය යෙදවීමට, එවන් වූ සිසුන් දහස් ගණනක් වෙසෙන සරසවි තුල පොලිසි පිහි‍ටුවීමට සිතන්නේ   අංශු මාත්‍රයක්වත් මොලයක් ඇති අයෙක් විය නොහැක. නමුත් අප රටේ පාලකයින් සිතන්නේ එලෙසය. උන්ට ඡන්දය දෙන චන්දදායකයිනුත් උන්ට දෙවැනි නැත. කරන තරමක් කරන්නේ ගොන් කම්ය.

 මෙසේ හදිසියේම සරසවිවල ආරක්ෂාව පිලිබඳව ප්‍රශ්නයක් මතු වූයේ ඇයි. සරසවි තුල පොලිස් ස්ථාන පිහි‍ටුවීමට තරම් ප්‍රශ්නයක් තිබේද?

රටේ විපක්ෂය බේද බින්න වී නන්නත්තාර වී ඇති තත්වයක් තුල ආණ්ඩුව ගෙන යන ඒකාධිපති ක්‍රියාදාමයට යම්තම් හෝ ප්‍රතිරෝධයක් නැගෙතැති සිතිය හැකි සරසවි ප්‍රජාව තමන්ගේ අණසක යටතට ගැනීමට ආණ්ඩුවේ ඇති නග්න ආශාව, ඒකාධිපති වියරුව  මිස මෙය අන්කිසිවක් නොවේ.

පසුගිය දා සරසවි ඇදුරන් ගෙන ගිය වෘත්තීයේ අරගලයත් , පෞද්ගලික වෙද විදුහලට එරෙහිව වෙද සිසුන්ගේ සටනත් නිසා එස්.බී  ලා සිටින්නේ ඔවුන් කෙරෙහි වූ වෛරයෙනි. එම නිසා කුමන හෝ මිලක් ගෙවා සරසවි පද්ධතිය තම පාලනයට නතු කර ගැනීම ඉදිරි දේශපාලන කටයුතු වලට පහසුවක් වනු ඇතැයි ඔවුන් සිතන බව පෙනේ.

විශේෂයෙන්ම ලබන වසර මුලදී පෞද්ගලික සරසවි පිලිබඳ පනතක් පාර්ලිමේන්තුවට ගෙන එන බවට කියවී ඇති මොහොතක සිසුන් පගා දමා මර්ධනය කර ගෙන සිටීම ඉතා වැදගත් වේ. එසේම වත්මන් රෙජිමය ඉදිරි කාලයේ රට පාලනය කරන්නට සැලසුම් කොට ඇත්තේ කෙසේදැයි එස්බී ගේ මෙම ප්‍රකාශයෙන් වටහා ගත හැක.

ආරක්ෂක අමාත්‍යාංශයට අනුබද්ධ රක්නා ලංකා නම් ආරක්ෂක සමාගම සරසවි වල ආරක්ෂක කටයුතුවලට යොදවන්නේ සමස්ත සරසවි  ප්‍රජාවම විරුද්ධ වෙත්දී තමන්ට කූටාලිකම් කරන උපකුලපතිවරුන්ගේ සහයෙනි. මෙම ක්‍රියාව නිසා සරසවිවල ආරක්ෂක වියදම තුන් ගුණයකින් ඉහල ගොස් ඇති බව වාර්තා විය.

මෙසේ අධ්‍යාපනයට වෙන් කර ඇති සොච්චම් මුදලින් කොටසක් නැවත වතාවක් වක්‍රව ආරක්ෂක අමාත්‍යාංශයට ගෙන්වා ගන්න අතර එම ක්‍රියාවන්ට එරෙහිව නැගී එන ජන මතය නිහඬ කිරීම සඳහාද යම් වැඩ පිලිවෙලක් ක්‍රියාත්මක වන බව පෙනේ.

ආණ්ඩුව , කැළණියේ අනාථ නලින් ද සිල්වා, ජපුර කන්‍යාරත්න වැන්නවුන් හා සිසුන් අතරට රිංගවා සිටින තම තැරව්කරුවන් ලවා සිසු ගැ‍ටුම් ඇති කරවන්නේ ඒ වෙනුවෙනි. විශේෂයෙන්ම කැළණියේ මෑතක ඇති වූ සිසු ගැ‍ටුම ගැන කෙලින්ම ඇඟිල්ල දික් වන්නේ නලින් ද සිල්වා වෙතය. මෙසේ ගැ‍ටුම් ඇති කර ඒවා මැඩ පැවත්වීමට පොලිසීය ගෙන ඒම ඉතාමත් පහසු කටයුත්තකි.

එපමණක් නොව මේ දිනවල මුලතිව් කැලයටත් වඩා අවි ආයුධ මතු වෙන්නේ සරසවි ශිෂ්‍ය නේවාසිකාගාර වල තිබීය. පේරාදෙණියෙන් ටී 56 උණ්ඩත් ජපුරෙන් බෝම්බත් මතු වී තිබේ. සරසවි වලට පොලිසී යෙදවීමට මීටත් වඩා තව අවශ්‍ය මොනවාද? මෙසේ අවි ආයුධ හංගා ගෙන සිටින ශිෂ්‍ය ත්‍රස්තවාදින් මර්ධනයට පොලිසීය යෙදවීම ගැන කවුරු විරුද්ධ වෙන්නද?

සටහන- අවශ්‍යම නම් දේශද්‍රෝහි බෙංගාසියන් බවට පත් වෙමින් සිටින ශිෂ්‍යයන් මර්දනය කිරීම ඉතාමත් දේශප්‍රේමි කටයුත්තක් බවට ප්‍රකාශයක් කලක් හිරු පුවත්පතේ අකුර විශේෂාංගය  කල විමලසිරි ගම්ලත් සහෝදරයා ලවා කරවා ගත හැකිය.

ගඩා‍ෆිගේ මරණය අය වැය , ජීවන බර, වැඩි වන බඩු මිල ,භාරතගේ මරණය හා දුමින්ද ගේ පලා යෑම ,වැනි අමිහිරි මතකයන්ගෙන් ආණ්ඩුව මුදා ගැනීමට ආ වෙස් වලාගත් ආශිර්වාදයක් විය.

වීරවංශ, නලින් සිල්වා, වසන්ත බණ්ඩාර බඳු රාජපාක්ෂිකයන් ගඩාෆීව ශාන්තුවරයකුගේ තත්වයට ඔසවමින් ඔහුගේ මරණය ගැන විරෝධය පල කරන්නේ ගඩා‍ෆි ගැන උපන් අනුකම්පාවෙන් නොව හුදෙක් ජනතා අවධානය ඒ දෙස යොමු කර ඔවුන්ව නිර්වින්දනය කිරීම සඳහා පමණි.

මේ කල්ලිය මෙසේ ගඩා‍ෆි ගැන මෙරට ජනතාව මත පැටවීමට උත්සාහ කරන එක් ප්‍රධාන කරුණක් වන්නේ ගඩා‍ෆි බඳු ජනතා හිතවාදි ජනතා පුත්‍රයෙකු මරා දැමුනේ ඔහුගේ අධිරාජ්‍ය විරෝධී අදහස් නිසා බවයි. ඔවුන් මෙසේ කියන්නේ ගඩා‍ෆිගේ සියලු ව්‍යාපරික සබඳතා තිබුණේ ඔය කියන බටහිරයන් සමග බව මෙරට ජනයාට වසං කරමිනි. මේ ඊනියා දේශප්‍රේමින් අපට කියන්නේ ගඩා‍ෆිද ඇතුලුව අප්‍රිකා හා අරාබි කලාපයේ ඒකාධිපතියන් ගණනාවක් බලයෙන් ඇද දැමු මහජන නැගිටීම් හුදෙක් බටහිර කුමන්ත්‍රණ බවයි.  එසේ කීම තුල ඔවුන් බලාපොරොත්තු වන්නේ ,මේ රට තුලද එවන් අරගල පැන නගිතැයි සිතා බිය වී, ඊට එරෙහිව දැන්මම ජනතා මතයක් ගොඩ නැගීමයි.

නමුත් මේ ඊනියා දේශ්ප්‍රේමින් හෝ හාන්සි පු‍ටු විප්ලවවාදි වාමංශිකයන් කියන පරිදි මේ ජන නැගිටීම් ගැන කිසිදු  ගැටලුවක් නැත.ජනතාව නැගී සිටියෙස් ඒකාධිපතිත්වය තව දුරටත් දරා ගැනීමට නොහැකි වූ නිසාය.  ගැටලුව ඇත්තේ එම නැගිටීම් නිසි පරිදි කළමනාකරණය කර නොගැනීම නිසා ඒවා දක්ෂිණාංශික හා අධිරාජ්‍යවාදි බලවේගවල ග්‍රහණයට නතු වීමය. ඒ ගැන වෙනම කතා කල යුත්තකි.

අද අපේ උත්සාහය “ශාන්තුවර” ගඩා‍ෆිගේ පාලනයේ සැබෑ තතු ස්වල්පයක් හෙලිදරව් කිරීමය.

ලෝකයට ඉතාමත් ප්‍රගතිශීලි මුහුණක් පෙන්වූ ගඩා‍ෆි ඉතා මර්ධනකාරි ප්‍රතිපත්තියක් තම රට තුල ගෙන ගියේය.තම විරුද්ධවාදින් නිහඬ කලේ මරා දමා හෝ හිරේ දමාය. ඔහු සැලකුවේ තමන් අයත් ගෝත්‍රයට පමණි. එයට පිටින් වූ ගෝත්‍රවල ජනයා දැඩි මර්ධනයකට ලක් කල අතර බොහෝ දෙනෙක් හිර ගත කල අතර තවත් උන් මරා දැම්මේය.

ඔහුගේ පුතුන් මිනීමරුවන් හා සල්ලාලයන් විය. මේ සල්ලාල පැටවුන් තම රටේ  තරුණියන්ට සැලකුවේ කෙලි බඩු මෙනි. තමන් හා ලිංගිකව හැසිරුණු තරුණියන් ගේ කලවා වල ලාඩම් ගැසුවේ තම තිරිසන් මනෝ භාවයන් මනාව හෙලි කරමිනි.

උන් රටේ තෙල් සල්ලි භාවිතා කරමින් සුපිරි හෝටල් වල  තරුණියන් හා විනෝද වන අතර රටේ පොදු ජනයාට තිබූ සිනමා ශාලා පවා වසා දැමුවේය.

ගඩා‍ෆිගේ  පුතුන් බටහිර රටවල සුපිරි ක්‍රීඩා සමාජ වෙනුවෙන් පාපන්දු ක්‍රීඩා කරද්දි මේ ඒකාධිපතියා තම රටේ ක්‍රීඩාංගණ පවා වසා දැමුවේය.

එපමණක් නොව  ඔහුගේ පුතුන් විදේශ රටවලට ඉගෙනීමට යැවු ඔහු තම රටේ විදෙස් භාෂා භාවිතය පවා තහනම් කලේය.

අතල්ස්සක් වූ ධනවතුන් වෛද්‍ය ප්‍රතිකාර ලබා ගැනීමට අසල් වැසි ඊජිප්තුවට යාමට පුරුදුව සිටි  අතර පොදු ජනයාට නිසි සෞඛ්‍ය පහසු කම් නොතිබිණි.

රටේ ජනයාගෙන් තුනෙන් එකක් (1/3) ‍රැකියා විරහිතයන් වෙද්දි ගඩා‍ෆි තෙල් වලින් ලැබුණු මහා ධන සම්භාරය වියදම් කරමින් අති නවීන අවි ආයුධ ගොඩ ගැසුවේය.

එහෙත් ඒ කිසිම ආයුධයකට ,තමන් අප්‍රිකාවේ රජුන්ගෙත් රජු ලෙස හඳුන්වා ගත් මේ ඒකාධිපතියා කාණු පල්ලේ බල්ලෙක් මෙන් මිය යාම වලක්වා ගත නොහැකි විය.

මේ අනුව අපට තේරුම් ගත  හැක්කේ ගඩා‍ෆි යනු ලිබියාවේ ගැලවුම් කාර ශාන්තුවරායණෝ නොව වසර හතලිහක් තිස්සේ එරට අපායක් කරා ක්‍රමයෙන් ගෙන ගිය යම පල්ලෙක්  බවයි.

ගඩා‍ෆි මලේය. තම රටවල්  ඒකාධිපතිත්වයේ දඬු අඬුවට හිර කර ගෙන රටේ සම්පත් තමන්, තම පවුලේ උන් හා තම  හෙංචයියන් සමග බෙදා ගනිමින් සදාකාලයටම සැප විඳීමට සිහින් මැවූ බොහෝ ඒකාධිපතියන්ට සිදු වූ පරිදි මහ මග මැරෙන්නට , තම රටේම ජනතාව අතින් ගුටි කා මැරෙන්නට ගඩා‍ෆිටත් සිදු විය. 

ඉතාලියේ ඒකාධිපති මුසෝලිනි හා ඔහුගේ පෙම්වතිය මරා ලයිට් කණුවක එල්ලා ප්‍රදර්ශනය කෙරිණි. හිට්ලර් තම බිරිඳ හා සිය දිවි නසා ගත්තේය. ඉරානයේ ෂා, උගන්ඩාවේ ඉඩි අමින් ආදින්ට සිය ජීවිතයේ අවසන් කාලය පිටිවහලුන් ලෙස විදේශ වල කල් ගෙවන්නට සිදු විය.  චිලියේ පිනෝචේ, ඊජිප්තුවේ හොස්නි මුබාරක් ආදින් මනුෂ්‍යත්වයට එරෙහිව කරන ලද අපරාධ වෙනුවෙන් නඩු විභාග වලට මුහුණ දී සිටිති. 

තම රටවල ජාතික ධනය තම පෞද්ගලික බූදල් සේ සිතා ගනිමින්  සුර සැප විඳින අතර පොදු මහත් ජනයා දුගී භාවයට ඇද දැමූ මේ පාලකයින් , ජනයා එයට එරෙහි වන විට පිලිතුරු දුන්නේ වෙඩි උණ්ඩ  හා බෝම්බ වලිනි.උන් මර්දනයට නිල හා නොනිල මැර හමුදා යොදවමිනි.  විරුද්ධ පාක්ෂිකයන් මරා දමමින් හා උන් සිර ගෙවල දමමිනි. 

මුන් බලයේ සිටින තාක් කල් ඒ රටවල සියලු මාධ්‍ය ක්‍රියා කලේ මුන්ගේ හොරණෑ ලෙසිනි. මුන්ට විරුද්ධ හඬක් රට තුල නොතිබිණි. විරුද්ධ වීමට තරම් කොන්දක් තිබූ වුන් සිටියේ සිර ගෙවලය. නොමැතිනම් සොහොනේය.

නමුත් අවසානයේ මේ සියලු මර්ධනයන් හමුවේ ජනයා  නැගී සිටියි. එවිට ඒකාධිපතියන්ට සිදු වන්නෙ මෙතෙක් කල් ඔවුන් විසින් පාගා ගෙන සිටි ජනයාගෙන් ගුටි කා මියදෙන්නටය.  ලිබියාවේ  සිදු වූයේ ද එයයි.  අරාබියේ මතුව ආ ‍රැල්ලත් සමග ලිබියාවේද ජනයා නැගී සිටියහ. එවිට ගඩා‍ෆි ඔවුන් හැඳින්වූයේ මීයන් ලෙසය. ඔහු මීයන් මරන ලෙස තම හමුදාවට අණ දුන්නේය. තමන්ගේම රටේ ජනයාට ගුවනින් බෝම්බ දැම්මේය. මීයන් මෙන් තම රටේ ජනයා මැරුවේය. දෛවයේ සරදමටමෙන් අන්තිමේ ගඩා‍ෆිටත් මීයෙකු මෙන් කාණුවක සැඟවී සිටින්නටත් ඔහු විසින් මීයන් යැයි හැඳින්වූ පිරිස  අතින්ම මැරුම් කන්නටත්  සිදු විය. 

ගඩා‍ෆිගේ ඉරණම නිසා අප රටේද බොහෝ දෙනෙකුන් කිපී ඇති බවක් පෙනෙන්නට තිබේ. ඔවුන් සියලු දෙනාම රාජපක්ෂ රෙජිමයේ කුණු සෝදනවුන් වීම අහම්බයක් නොවේ. මේ පිරිස් අතර ඉදිරියේම සිටින්නේ වීරවංශ , නලින් ද සිල්වා, එස්.එල්. ගුණසේකර, දිවයින පුවත්පත,  ප්‍රමුඛ ජාතිවාදි නඩයයි. 

මෙයින් වීරවංශට කෙතරම් රිදී ඇත් දැයි කිවහොත් ඔහු අතේ පැලවෙන කෙබර ගසමින් ගඩා‍ෆි ඝාතනයට විරෝධය පල කරයි.  මීට කලින් වතාවක “මහල්ලා සහ මුහුද ” ගී ද මෝපසාං ලවා ලියෙව්වාක් මෙන් මෙවර ” ලිබියාව යනු අප්‍රිකාවේ ස්විට්සර්ලන්තය ” ලෙස හැඳින්වූ බව කියයි. ලිබියාව අප්‍රිකාවේ ස්විට්සර්ලන්තය වූයේ කෙසේ දැයි අප නොදනිමු. නමුත් ලෙබනනය නම් මැද පෙරදිග ස්විට්සර්ලන්තය ලෙස හැඳින්වූ බව අප දනිමු. 

මොවුන්ට අනුව ගඩා‍ෆි යනු  අධිරාජ්‍ය විරෝධී අසාහය නායකයෙකි. නමුත් මේ අධිරාජ්‍ය විරෝධියා ඔහුගේ සියලු ගණුදෙනු සිදු කලේ ඒ අධිරාජ්‍යවාදින් සමගය. ඔහු රටේ තෙල් ටික වික්කේ ඔවුන්ටය. ඔහුගේ සල්ලාල පුතුන් ඉගෙන ගත්තේ ,රටේ මුදල් නාස්ති කරමින් සුර සැප වින්දේ එම බටහිර රටවලය. රටේ ජනයා ගෙන් වැඩි හරියක් නොදියුණු තත්වයේ සිටිද්දි  තෙල් ආදායම තම පවුලේ උන් සමග බෙදා ගත්තේය. ඉතිරියෙන් යුද අවි මිලට ගෙන ඒවා තම රටේ ජනයාට එරෙහිවම එල්ල කලේය. අප රටේ සිටින දේශප්‍රේමින් මහා අධිරාජ්‍ය විරෝධී  නායකයෙකු ලෙස හැඳින්වූ ගඩා‍ෆිගේ කෙරුවාව එබඳුය. ඔහුගේ ජනතාව ඔහුට විරුද්ධව නැගී සිටියේ මේ අපරාධ වලට එරෙහිවය.

ගඩා‍ෆි මරා දැමූ ආකාරය නිවැරදි යැයි අප නොකියමු. එහෙත් ඔහු නෙලා ගත්තේ ඔහු වැපිරූ දෙයයි.

 එම ඉරණම ලෝකයේ ඒ වර්ගයේ පාලකයින් කා හටත් හොඳ පාඩමකි.