Posts Tagged ‘දෙරණ’

 

මෙතුවක් කල් ලංකාවේ පෞද්ගලික මාධ්‍ය කොතරම් ආණ්ඩුවට කඩේ ගියත් ඔවුන් තමන් ස්වාධීන යැයිද අපක්ෂපාති යැයිද කීමට මහත් උත්සහයක් ගත්තේය.

උදාහරණයක් ලෙස ශිෂ්‍ය උද්ඝෝෂණයකට හෝ වැඩ වර්ජනයකට හෝ විපක්ෂයෙ යම් කිසි වැඩ සටහනකට හෝ  විරුද්ධව ප්‍රචාරයක් කරන ලෙස ආණ්ඩුව ඔවුන්ට කී විට ඔවුන් කරන්නේ ඒ වෙනුවෙන් ආණ්ඩුවේ දේශපාලකයින් කිහිප දෙනෙක් ගෙන්වා එම සිදු වීමට එරෙහිව ඔවුන්ගේ අදහස්  ලබා ගෙන ප්‍රචාරය කිරීමයි.

එසේ නැතිව කෙලින්ම ඒවාට විරුද්ධව මඩ ගැසීම කලේ අයිටීඑන් නාලිකාව ප්‍රමුඛ රාජ්‍ය මාධ්‍ය පමණි.

කෙසේ වෙතත් දැන් දැන් නැගී එන උද්ඝෝෂණ ‍රැල්ල හමුවේ එය ප්‍රමාණවත් නොවන බව ආණ්ඩුව මෙන්ම ආණ්ඩුවට කඩේ යන දෙරණ බඳු මාධ්‍ය ද තේරුම් ගෙන ඇත.

විෂය භාර ඇමතිවරයා සමග පමණක් නොව බොහෝ දෙනා නොකරන පරිදි ජනාධිපතිවරයා සමග පැවති සාකච්ඡාවේදී පවා අරමුණු පාවා නොදී කෙලින් සිට ගනිමින් තම වැ‍ටුප් අරගලය ඉදිරියට ගෙන යන විදුලි සේවකයින්ට පහර දීමට දෙරණ වැසිකිලි මාධ්‍ය නඩය පෙරට අවුත් ඇත.

ඒ අනුව ඔවුන්ගේ ඊයේ ප්‍රවෘත්ති විකාශයේ එක් අංගයක් වූයේ විදුලි බල මණ්ඩල සේවකයින්ගේ වත්මන් වැ‍ටුප් හා පඩි වැඩි කල විට ඔවුන්ට ලැබෙන වැ‍ටුප්ය. ප්‍රවෘත්තිය ඉදිරිපත් කල නිවේදකයා කී පරිදි මෙය දෙරණ නාලිකාව විසින් සොයා පලකරන තොරතුරකි. මෙම ස්වෙච්චා පුවත් විකාශයෙන් ඔවුන් බලාපොරොත්තු වන්නේ මෙතරම් විශාල වැ‍ටුප් ලබන පිරිසක් තවත් වැඩි වැ‍ටුප් ඉල්ලීම අසාධාරණ බව පෙන්වීමටය.මේ සඳහා වැය වන්නේ මහජන මුදල් බව කීමටය.

නමුත් ඔවුන් මෙම ප්‍රවෘත්තියෙන් ඉදිරිපත් කල වැ‍ටුප් පරිමාණ සහමුලින්ම වැරදිය. ඔවුන් එසේ ඉදිරිපත් කලේ එක් එක් තනතුරට අදාල උපරිම වැ‍ටුප මිස මූලික වැ‍ටුප නොවේ. එම වැ‍ටුප ලබන්නේ තනතුරේ උපරිම කාලය ‍රැඳී හුන් අයට පමනි. එපමණක් නොව  එම පුවතින් පෙන්වූ වැ‍ටුප් වලට මූලික වැ‍ටුපට අයත් නොවන දීමනාද ඇතුලත්ය. දෙරණ නඩය පෙන්වූ පරිදි වැ‍ටුප් වැඩි වන විට එම මුලු වැ‍ටුපට අදාලව වැඩි වීමක් සිදු නොවේ.

නමුත් එය දෙරණට ප්‍රශ්නයක් නොවේ. ඔවුන්ට අවශ්‍ය කුමක් හෝ විකාශය කර තම හාම්පුතුන්ගේ සිත් සතු‍ටු කර තව වැඩි පුර වෙලඳ දැන්වීම් කීපයක් සොයා ගැනීමය.

විදුලි සේවකයින්ට වැ‍ටුප් ගෙවීමට යන මිලියන ගනන ගැන බලන දෙරණ ට මිහින් ලංකා වැනි නාස්තිකාර වියදම් පෙනෙන්නේ නැත. රජකුමාරවරුන්ගේ  පොදු රාජ්‍ය  ක්‍රීඩා සිහින සැබෑ කිරීමට වැය කල ඩොලර් මිලියන්  සිය ගනන් ගැන වගේ වගක් නැත. පුහු පම්පෝරිය හැර වෙන කිසිවක් නැති දැයට කිරුල වැනි විගඩම් ගැන කෙල බිඳුවක් හොලවන්නේ නැත.

දෙරණ මාධ්‍ය අප්පුලාගේ බඩ දැවිල්ල හැදෙන්නේ කවුරුන් තම අයිතිවාසිකම් ගැන කථා කල විට පමණි.

එය ජන මාධ්‍ය කලාවක් නොව ජඩ මාධ්‍ය කලාවකි.

 සටහන- එපමණක් නොව වෛද්‍ය කවුන්සිලයට කරන දේශපාලන පත්වීම් වලට එරෙහිව අද ජාතික රෝහලේ වෛද්‍යවරුන් කිරීමට සිටි වැඩ වර්ජනයට එරෙහිව කොහෙදෝ යන නීතිඥයෙක්ද ගෙන්වා  ඊයේම  තර්ජනයක් කරවූයේ ඒ ගැන විෂය භාර ඇමතිවරයා හෝ කිසිවක් කීමට පෙරය.

Advertisements


මීට ටික කාලෙකට කලින් දෙරණ නාලිකාවේ 360 වැඩ සටහනට , දේශපාලනය ගැන මෙලෝ දෙයක් නොදන්න අහිංසක පබා නොහොත් උපේක්ෂා ස්වර්ණමාලී ව ගෙන්නගෙන බයිට් කරලා තමන් මහා දැනුමති, විදග්ධ , බුද්ධිමත් මාධ්‍යවේදිනියක් බව ලෝකෙට පෙන්නන්න හදපුරන ඩිල්කා සමන් මලී තම්න් මහා මෝඩ කන්දක් බව ආයෙත් සැරයක් පහුගිය 27 දා පෙන්නුවා.

ඒ විශ්වවිද්‍යාල ආචාර්ය සංගමයේ මාධ්‍ය ප්‍රකාශක මහිම් මෙන්ඩිස් එක්ක කොරපු සාකච්ඡාවෙදී .

මේ රටේපාලකයින් කොපමණ අඥාණයින් දැයි කිවහොත් පසු ගිය කාලයේ විශ්වවිද්‍යාල ආචාර්යවරුන්ටත් උදේ හවස ලකුණු කිරීම සඳහා ඇඟිලි සළකුණු යන්ත්‍ර සවි කිරීමට උත්සහ කල බව ආචාර්ය මෙන්ඩිස් මහත්තයා මේ සාකච්ඡාවෙදි කිව්වා.

මේක ඇහුනා විතරයි අපේ මහා ප්‍රඥාසම්පන්න මාධ්‍යවේදි තුමිය පරල වුනා වගේ අහන්න තිබා ගත්තා.

” ඇයිඇයි,ආචාර්ය තුමා ඒ ඒ ඒඒ ඒකේ ඇති වැ‍රැද්ද මොකක්ද ? ඇයි ඇයි ඇයි ඔබලා ඔබලා ඒකට කැමති නැත්තේ ඇයි ඇයි ඇයි ” කියලා

ඒ වෙලාවෙ ආචාර්ය මෙන්ඩිස් බොහොම නිස්කලන්කව පැහැදිලි කරලා දුන්නා විශ්වවිද්‍යාල ආචාර්ය කමක් කියන්නේ පැය අටේ සේවයක් නොවෙයි. මේක පැය 12, 16 18 සමහර වෙලාවට පැය 24 වුනත් සේවය කරන්න වෙනවා කියලා.

හැබැයි වැස්සකටවත් කැම්පස් එකකට ගොඩ වෙලා නැති මේ ඔල මොට්ට්ල ස්ත්‍රියට ඒක තේරුනේ නැහැ. ඈට මුලු සාකච්ඡාව පුරාම තිබුනේ එක සිහියයි.

ඒ තමා සරසවි ආචාර්යවරුන්ගේ සටනට මඩ ගහලා තමන්ගේ හාම්පුතුන්ගේ හිත පිනවන්න. මුලු සාකච්ඡාව පුරාම ප්‍රශ්න අහන්න ඉඩ දුන්නේ මේ සරසවි සටනට අකුල් හෙලන ආණ්ඩුවේ ඒජන්තයින්ට විතරයි. මේ සටනට පක්ෂව එක ප්‍රශ්නයක් අහන්න දුන්නේ නැහැ.

ඉතින් ඈ ආපහු මෙහෙම කියනවා

” ඉතින් ඉතින් ඉතින් ආචාර්ය තුමා, ආචාර්ය තුමා, ඔබලාට පුලුවන්නෙ පැය අටෙන් යනකොට ,හරි පැය දහසයෙන් යනකොට හහරි ඒ යන යන වෙලාව දාල ඇඟිලි සළකුණු තියලා යන්න. පැය විසිහතරම ම වැඩ කලොත් පහුවෙනිදා උදේ යනකොට සලකුනු තියලා යන්න ප්ප්ප්පුපුපුලුවන්නේ.”

ඔන්න ඔය වෙලාවේ තමා මට හිතුනේ මේ ස්ත්‍රියාව නම් විශ්වවිද්‍යාලෙකට තියා ඉස්කෝලේ දෙකේ පංතියටවත් ගොහින් නැතිව ඇති කියලා.

ඇයි යකඩෝ ගොන් බඳින කණුවකට වුනත් තේරෙන්න එපයි උගන්වන්වා කියන්නේ , විශේෂයෙන්ම විස්ස විද්දියාලෙක උගන්වනවා කියන්නේ පැය අටක් හරි දහසයක් හරි ඔ‍ෆිස් එකක ඉඳගෙන ඉඳලා අත්සන් කරලා ගෙදර යන්න පුලුවන් රස්සාවක් නෙවෙයි කියන එක. පුස්තකාලෙට යන්න, පොතපත කියවන්න, සම්මන්ත්‍රණ,සාකච්ඡා, දේශන වලට යන්න. පර්යේෂණ කරන්න යන්න. ඊලඟට විශ්වවිද්‍යාල ලමයින්ගේ සුබසාධක කටයුතු , විශ්වවිද්‍යාලයේ කලා කටයුතු ,විනය කටයුතු, මේ හැම දෙයක්ම කරන්න ඕනෑ .

මේ වාගේ දෙයක්වත් නොතේරෙන ඩිල්කා වගේ තොත්ත බබලා තමා අද මාධ්‍ය ඔස්තාර් ලා වගේ පිනුම් ගහන්නේ .

ලූලා නැති වලේ කණයා නොවේ තිත්තයොත් පණ්ඩිතයො වෙලා.

 
 
සරසවි නැවත  වතාවක් ගිනියම් වී දැවෙමින් පවතී. සෙසු සමාජයම සීතලෙන් ගල් වී දිගු සිසිර නින්දකට සැරසෙද්දී , සරසවි පද්ධතිය පමණක් මෙසේ ගිනි ගෙන දැවෙමින් පවතී.
 
පාලකයින් මර්ධනකාරී අනපනත් ගෙන එමින්, රටේ නීතිය පවා තමන්ට අවැසි පරිදි සකසා ගනිමින් සිටින මේ මොහොතේ මෙතෙක් කල් සමාජය ඉදිරියේ විප්ලවාදින්, හා වාමාංශික රැඩිකලුන්  ලෙස පෙනී සිටිය උන් පවා තමන්ගේ උදර පෝෂණය වෙනුවෙන් පාලකයින් ඉදිරියේ දනින් වැටී උන්ගේ  පා ලෙව කමින් සිටිති.  පීඩනයට හා මර්ධනයට ලක් වූවන් පවා මේ වෙලාවේ තෝරාගනිමින් සිටින්නේ තමනට එල්ල වන පීඩනයට එරෙහිව සටන් වැදීම නොව පාලකයින් හා හවුල් ව ජාම බේරා ගැනීමය. හැකිනම් උන් හා එක් ව උන් භුක්ති විඳින දෙයින් කොටසක්වත් කඩා ගැනීමටය. අද දින ශ්‍රී ලංකාවේ සාමාන්‍ය තත්වය එයයි.
 
මේ සාමාන්‍ය තත්වයෙන් බැහැරව තම අයිතීන් වෙනුවෙන් සටන් වැදීමට තීරණය කර සිටින්නේ සරසවි සිසුන් පමණි. අන් සියල්ලන් දනින් වැටී පා ලෙව කෑම තෝරා ගනිද්දී ඔව්හු අරගලය තෝරාගෙන සිටිති.
 සිසුන් පිටුපස සිටින බලවේග ගැනත් ,තවත් නොයෙක් දේ ගැනත් කියමින් ඔවුන්ව විවේචනය කල හැක. එහෙත් වඩා වැදගත් වනුයේ මේ මොහොතේ ඔවුන් සටන් වැද සිටීමයි .
 
ඔවුන් අද සටන් වදින්නේ ආත්මාරක්ෂාව සඳහා වුවද , එම සටන  ඉදිරියේදී පොදු සමාජ ප්‍රශ්න හා බද්ධ කල හැකි බව හා එසේ වනු ඇති බව වෙන කාටත් වඩා හොඳින් රජය දනියි. සිසුන්ගේ මෙම සටන කෙරෙහි මඩ පහරවල්  එල්ල කර අපකීර්තියට ලක් කර සමාජයෙන් කොන් කර හුදකලා කිරීමට රජය තම මුළු ශක්තිය යොදවන්නේ ඒ නිසාය.
 
රාජ්‍ය මාධ්‍ය වලට අමතරව දිවයින, ලංකාදීප  වැනි පත්තර කඩමාළුත්, මළමිනී ස්වර්ණවාහිනිය හා වරුණිගේ පච දෙරණ ත් නිර්ලජ්ජිතව සිසුන්ට පහර දෙන්නේ ඒ වෙනුවෙනි. මේ පිළිකුල් සහගත මාධ්‍ය මෙහෙයුම් තුලින් සරසවි සිසුවා යනු දුටු තැන මරා දැමිය යුතු තිරිසනෙකු බවට මත පල කරමින් සිටිති. ඔවුනගේ හිස් කුඩු පට්ටම් කර මරා දැමිය යුතුයි මේ මාධ්‍ය ඔස්තාර්ලා අපට නොකියා කියති. ඔවුනට අනුව සරසවි සිසුන් යනු මෙතෙක් ලංකාව තුල පහල වූ අන්ත අධම පාහර     සතුන් විශේෂයකි. ඔවුන් සහමුලින් විනාශ කර දැමිය යුතුය.
 
ඊයේ (27 දා)   කැලණිය සරසවිය අසලදී , තමන් සරසවි සිසුන්ගේ මවුන් යයි කියා ගත්,දේශපාලකයෙක් විසින් මත්පැන් පොවා ගෙනා මොලේ නැති ගණිකාවන් පිරිසක් විසින් සිසුවෙකුට කල පහර දීම මේ මාධ්‍ය ප්‍රචාරය සඳහාම කල දෙයකි. ඔවුනට අවශ්‍ය එයයි. එනම් පොදු ජනතාව විසින් සිසුනට පහර දීමයි. ඊයේ කලේ ඒ වෙනුවෙන් පෙරහුරුවකි. පෙළඹවීමකි.
 
රජය සරසවි සිසුනට මෙතරම් පහර දෙනුයේ මන්ද?  මානසික රෝගීන්ට උසස් අධ්‍යාපනය බාර දෙන්නේ මන්ද? 
 
හුදෙක්ම සරසවි සිසුන්ගේ අරගලකාරිත්වයට බිය වීද? එයද එක් හේතුවක් විය හැක. එහෙත් තවත් හේතුන් ගණනාවක්ම ඇත.
 
දිනෙන් දින උග්‍ර වෙන ආර්ථික අර්බුධය හමුවේ තව දුරටත් සරසවි අධ්‍යාපනය වෙනුවෙන් මුදල් වැය කිරීම අසීරු වෙමින් පවතී. එහෙත් එක් වරම ඒවා කප්පාදු කිරීමද කල නොහැක්කේ ජනතා විරෝධයක් නැග ආ හැකි බැවිනි. ඒ නිසා රාජ්‍ය සරසවි යනු කිසිම කමකට නැති තැනක් ලෙසත්, ඒ සඳහා මුදල් වැය කිරීම අපරාධයක් ලෙසටත් මහජනයා තුලට කාවැද්දීම පළමුවෙන් කල යුතුය. එවිට රාජ්‍ය සරසවි වසා දමා ඒවායේ සම්පත්ද සූරාගෙන පෞද්ගලික සරසවි ඇති කර අන්තරයේ බාධා කිරීම් වලින් තොරව පවත්වා ගෙන යා හැක.
 
රජය සිසුන් හා ගැටෙන අනිත් කරුණ වන්නේ, මෙරට රජයන් විසින් තම නොහැකියාව හා දූෂණ වසා ගන්නට , පසු ගිය වසර තිහ මුළුල්ලේම ජප කල කොටි මන්තරය තව දුරටත් වලංගු නොවීමයි. 2009 මැයි මාසයේදී ප්‍රභාකරන් මරා දමමින් කර ගත් බරපතල වැරැද්ද නිසා , ජනතාව  ඇන්දවීම සඳහා සතුරෙක් සොයා ගත යුතුව ඇත.
 
මාස කිහිපයකට ප්‍රථම විකටවංශ ඇමති වරයා විසින්  බෑන් කී මූන් ට එරෙහිව කල සටනද ඒ සඳහා වූ ප්‍රයත්නයකි. එහෙත් ප්‍රතිභා හීන   පුද්ගලයෙක් වන විකටවංශ විසින් නිර්මාණය කල සතුරා හා ඔහුට එරෙහි සටනෙහි කිසිම  ජීවයක් නොතිබිණි. සිදු වුයේ ලෙමන්  පෆ් කමින් උපවාස කරන්නට ගොස් ලෝකයා ඉදිරියේ විහිලුවට ලක් වීම පමණි. අනික ඒ සටන දිනුවා කියා ලැබෙන දෙයක්ද නැත. ( කොහොමටත් දිනන්නටද නොහැක.)
 
එහෙත් සරසවි සිසුනට එරෙහි සටන එසේ නොවේ. එය ජීවමානය. ලයිව්@ 8 තුලින් පෙන්වා සිසුන් පතුරු ගැසීම සඳහා ආතල් කෑලි දිනපතා මවා ගත හැක. ( හරියටම උතුරේ යුද්ධය වාර්තා කළා මෙනි) . අනික අන්තරය විනාශ කිරීම තම පරපුරේ උන්ගේ සුභ අනාගතයක් වෙනුවෙන් ඉතාමත් වැදගත්ය.
මේ අන්තරයේ උන් ශක්තිමත් ව සිටියහොත් , අනාගතයේ තමන්ගේ පවුලේ සුභ සාධනයට එතරම් සුභ නොවනු ඇත. ඔවුන් ඒවාට එරෙහි වනු ඇත. සටන් වදිනු ඇත. හූ කියනු ඇත. ඒවාට ඉඩ දිය නොහැක. ඒ නිසා මේ සර්පයින් හිස් පොඩි කර තලා දැමිය යුතුය. නමුත් එක් වරම එය කල නොහැක. සමාජය එසේ කරන මෙන් ඉල්ලා සිටිය යුතුය. බල කල යුතුය. සමාජය එතනට ගෙන ඒම මාධ්‍ය වල වගකීමයි. සුගාරලා , කසුරිලා , සුනිල් මාධවලා සිටින්නේ ඒකටය.
 
එලෙස තම ආධිපත්‍යට එරෙහි වන අවසන් බලකොටුවද සුන් කිරීමෙන් අනතුරුව තැනට රිසි සේ සමාජය භුක්ති විඳිය හැක. මුළු රටම තමන්ගේ කර ගත හැක. තමන්ගේ පන්තියේ උන්ට පෞද්ගලික සරසවි අරඹා ගොවි කම්කරු දරුවන් කැලෑවට එලවා දැමිය හැක. පදිකා වේදිකාවේ ඉන්න වෙළෙඳුන් ද මුඩුක්කු වල සිටින   දිලිඳුන්ද      පලවා හැර නගර ලස්සන කල හැක. ගොවියන් ගොවි බිම් වලින්ද , ධීවරයින් වෙරලින්ද එලවා , ඒවා තමන්ටම නතු කර ගත හැක. කිසිම විරෝධයක් නැතිවම නතු කර ගත හැක. රිසි සේ භුක්ති  විඳිය හැක.
 
කොටින්ට  එරෙහිව ඇරඹු මානුෂික මෙහෙයුම කොටින් හා කොටින්ට විරුද්ධව සටන් කල ජෙනරාල්ලාද ගිල ගනිමින් දැන් සරසවි සිසුන් කරා පැමිණ ඇත. පොදු සමාජය තවමත් අත්පොලොසන් දෙමින් ඒ දෙස බලාගෙන සිටිති. ඒ අද සරසවි සිසුන්ගේ හිසට ඉහලින් කැරකෙන ඒ මාරක මුගුර තම හිසට එල්ල වන තෙක්ය. අපි බලා සිටිමු. ඒ අතර අලුත් සතුරා විනාශ වූ විට මහා පාරේ කිරිබත්ද පිස කමු.
 
 
 

 

මේ දිනවල මාගේ ප්‍රියතම මාධ්‍ය දෙරණ නාලිකාවයි. ඔවුන් තම පුවත් විකාශය හඳුන්වා ගන්නේ “සත්‍යය ප්‍රථමයෙන් -truth first ” යනුවෙනි.

මෙයින් අදහස් වන්නේ ප්‍රවෘත්ති කියන විට ඔවුන් මුලින්ම කියන දේ , එනම් නිවේදකයින්ගේ නම ගැන නම් එය සත්‍යය බවට සැකයක් නැත. තම ආදර්ශ පාඨයේ පරිදි මුලින්ම මේ ඇත්ත කියන ඔව්හු ඉන්පසු මුසා දෙඩීම පටන් ගනිති.

රුහුණු සරසවියේ සිසුවෙක් පහර දීමකින් මිය ගොස් ඇත. සිසුන් පවසන පරිදි මෙය පොලිසියේ වැඩකි. පොලිසිය කියන්නේ මෙය ස්වභාවික මරණයක් බවත් , සිසුවා මිය ගොස් ඇත්තේ මොළයේ නහරයක් පිපිරීමකින් වූ අභ්‍යන්තර ලේ ගැලීමකින් බවත්ය.

 සුසන්ත බණ්ඩාර    සිසුවා

මේ අතර වාර්තා වන පරිදි සිසුවා බදුල්ල රෝහල් පොලිසියටද පවසා ඇත්තේ , තමන්ට පොලිසිය පහර දුන් බවකි. ඔහු කට උත්තරය දෙන විට ඔහුගේ මවද ඒ අසල සිට ඇතැයි කියවේ. නමුත් දැන් , ඇය කුමක් හෝ හේතුවකට , තමන්ට පහර දුන්නේ පොලිසිය විසින් නොව සිසුවෙකු විසින් යි තම මිය ගිය පුතු කී බවක් කියයි. 

 දෙරණ නාලිකාවට නම් මෙය වෙනත් සිසුවෙකුගේ වැඩකි. මෙරට ජනතාවට අකුරු කියවීමට බැරි නිසා ඔවුන් ට පත්තර කියවා දීමට එන දෙරණ නාලිකාවේ නපුංසක මාධ්‍ය අප්පු අද උදේ පුන පුනා පැවසුවේ මෙය වෙන සිසුවෙකුගේ වැඩක් බවය. වහාම එම සිසුවා අත්අඩංගුවට ගෙන මෙරට නීතිය ආරක්ෂා කල යුතු බව ඔහු පොලිසීයට නැවත නැවතත් මතක් කර දුන්නේය .

දැන් තත්වය වෙනස් වී තිබිය හැකි වුවද. අද උදේ වෙන විටත් පොලිස්පති වරයා පවා මෙම මරණය වෙනත් සිසුවෙකුගේ ක්‍රියාවක් බව නො පැවසීය. ඔහු කියා සිටියේ සුසන්ත බණ්ඩාර    සිසුවා මිය ගොස් ඇත්තේ මොලයේ ලේ ගැලීමකින් බව පමණි. තම සගයින් ආරක්ෂා කර ගැනීම උදෙසා කතා ගොතද්දී පවා , ඔහු පවා මේ ඊනියා මාධ්‍ය කරුවන්ට වඩා සාධාරණ විය.

නමුදු කුලියට කහින දෙරණ නපුංසක මාධ්‍ය අප්පුට අඩුම තරමේ එයවත් නොපෙනේ. සරසවි සිසුන් කෙරෙහි තමා තුල ඇති බද්ධ වෛරය ඔහු අමු අමුවේ මුදා හරියි. බත් පත වෙනුවෙන් ඕනෑම සක්කිලි වැඩක් කරන මේ කුලී බුරන්නා ට අනුව පොලිසිය අතින් එවැන්නක් සිදු වීම සිතන්නටවත් බැරිය .

සිය නේවාසිකාගාරයට රැගෙන යන බව කියමින් ගෙන ගිය සිසුන්ට පොලිසිය විසින් එලවා එලවා පහර දුන් බවට සිසුන් කරන ප්‍රකාශ ගැන මේ මාධ්‍ය ඔස්තාර් ලාට වගේ වගක් නැත. ඔවුන් අමු නිරුවතින්ම මගට බැස , කිසිදු ලැජ්ජාවකින් තොරවම , තම ස්වාමි දුව තමන්ට පැවරු කාරිය අකුරටම ඉෂ්ට කරමින් සිටිති .එනම් මේ ඒකාධිපති පොලිස් තන්ත්‍රය  වෙනුවෙන් කඩේ යමින් සිටිති.

එක සිසුවෙකු නොව මෙරට සියලු ජනතාව හැඳි ගැවි ගියත් ඔවුන්ට කම් නැත. ඔවුන්ට වැදගත් තම කුස පුරවා ගැනීම පමණි. තම මවු විකුණා හෝ ඔවුන් එය ඉටු කර ගනු ඇත.

 

ප්‍රජාතන්ත්‍රවාදී ජාතික සන්ධානය ඊයේ සවස කැම්බල් පිටියේ පැවත්වූ උද්ඝෝෂණය “අපක්ෂපාති , මාධ්‍යයක්” වන දෙරණ නාලිකාව වාර්තා කලේ මෙහෙමයි.

” ප්‍රජාතන්ත්‍රවාදී ජාතික සන්ධානය අද පැවත් වූ උද්ඝෝෂණයට එම සන්ධානයේ පක්ෂ කීපයක්ම සහභාගී නොවීම විශේෂ සිදු වීමක් විය. ”

ඒක අතකට වරුණි අමුනුගමගෙන් මීට වඩා දෙයක් බලාපොරොත්තු වෙන්න පුලුවන්ද?