Posts Tagged ‘ඩෙංගු’

සමස්තයක් වශයෙන් ගත් විට ශ්‍රී ලංකාවේ සරසවි යනු එකම අවුල් ජාලයකි. භෞතික හා මානව සම්පත් හිඟය , දේශපාලන ඇඟිලි ගැසීම්, පෞද්ගලීකරණ තර්ජන ,සිසු ගැටලු, ප්‍රතිපාදන කප්පාදුව ආදි දහසක් ප්‍රශ්න වලින් ලංකාවේ විශ්ව විද්‍යාල පද්ධතිය දැවෙමින් පවතී.

ආචාර්ය හිඟය, දේශනශාලා,රසායනාගාර පහසු කම් නොමැති වීම හෝ මඳ වීම, පුස්තකාල පොත්පත් හිඟය,නේවාසිකාගාර ගැටලු අද සරසවි වල සාමාන්‍ය දේවල් බවට පත් ව ඇත. නො එසේනම් ,පේරාදෙණිය සම සෞඛ්‍ය විද්‍යා සිසුන්ට සිදු වුනා මෙන් ,පහසුකම් තිබුනද ඒවා ප්‍රයෝජනයට ගැනීම බාහිර බලවේග විසින් අහුරා ඇත.

මෙම ප්‍රශ්න විශේෂයෙන්  උග්‍රව පවතින්නේ  මෑත භාගයේ රජයන් විසින්  තැන් තැන් වල කිසි සැලස්මකින් තොරව කඩිමුඩියේ ඇටවූ සරසවි , සරසවි පීඨ හා අධ්‍යන දෙපාර්තමේන්තුවලය.

අවම පහසු කම් පවා නොමැති මෙම සරසවි හා පීඨ මෙසේ තනන්නේ එක්කෝ පවතින රජයන්ට අපිත් විශ්වවිද්‍යාලයක් හැදුවා යැයි පම්පෝරි ගසන්නටය. එසේ නැත්නම් කවුරුන් හෝ ප්‍රාදේශීය දේශපාලකයෙකුට” ඔන්න අපේ පලාතටත් මම විශ්ව විද්‍යාලයක් ගෙනාවා ” යැයි කියන්නට ය.

සරසවි තුල අලුතින් පීඨ හෝ අධ්‍යන දෙපාර්තමේන්තු සැදෙන්නේත් එලෙසය. නමුත් ඒ සෘජු දේශපාලන අවශ්‍යතා වලට  වඩා දේශපාලකයින් පස්සේ ගොස් සරසවි තුල බලයක් ගොඩ නගා ගෙන සිටින ආචාර්ය මහාචාර්ය වරුන්ගේ උවමනා එපා කම් වෙනුවෙනි    හෙද,රසායනාගර ශිල්පී,විකිරණ ශිල්පී භෞත චිකිත්සක ආදි පාර වෛද්‍ය සේවාවල නියුතුවූවන්ට උපාධි ප්‍රදානය කරන සම සෞඛ්‍ය විද්‍යා පීඨය රටේ සැබෑ අවශ්‍යතාවක් වූවත් පේරාදෙණියේ එය තැනුනේ එම අවශ්‍යතාව වෙනුවෙන් නොව ඒ වන විට වෛද්‍ය පීඨය තුල තම ප්‍රතිරූපය බිඳ ගනිමින් සිටි මහාචාර්ය චූලා ගුණසේකරගේ පෞද්ගලික න්‍යාය පත්‍රයට අවශ්‍ය පරිදිය. පීඨය පවත්වාගෙන යන්නට තැනක් පවා නොමැතිව, විෂය නිර්දේශයන් පවා සකස් නොකර තිබියදී කඩිමුඩියේ එය පටන් ගත්තේ ඒ නිසාය. සිසුනට අවශ්‍ය රසායනාගාර පහසුකම් , ප්‍රායෝගික පුහුණු වීම සඳහා රෝහල් ආදිය ගැන කිසිම සැලකීමක් නොකරන ලදි.

චූලා ගුණසේකරලාගේ කඩි කුලප්පුවට වන්දි ගෙවීමට සිදුව ඇත්තේ සිසුන්ටය. පීඨය අරඹා වසර පහක් පමණ ගත වී ඇති අතර එම කාලයෙන් වැඩි හරියක් සිසුන් ගෙව්වේ තම අධ්‍යාපන අයිතීන් වෙනුවෙන් උසාවි ගානේ රස්තියාදු වෙමින් හෝ මහ පාරවල් දිගේ පෙලපාලි යමින් පොලිස් හා ආණ්ඩුවේ මැරයින්ගෙන් ගුටි කමිනි. නො එසේනම් ප්‍රායෝගික පුහුණුව සඳහා කාලය හිඟා කමින් පෞද්ගලික රෝහල් වල රස්තියාදු එම පීඨයේ ගුරු වැඩි දෙනා පිටින් පැමිණ උගන්වන බාහිර කථිකාචාර්යවරුන්ය. චූලලාට පිංසිද්ද වෙන්නට සිසුන් ප්‍රමිතියෙන් හා ගුණාත්මක බවෙන් තොර පාඨමාලා දහදුක් විඳිමින් හදාරති.  අදටත් එම  තත්වයේ වෙනසක් නැත.

රජරට විශ්වවිද්‍යාලයේ වෛද්‍යපීඨයේ අද ඇති වී තිබෙන තත්වයද ඊට සමානය. එය සැදුනේ වැඩිපුර වෛද්‍ය සිසුන් ගණනාවකට අධ්‍යාපනය දීම සඳහා වූ පරම පවිත්‍ර චේතනාවෙන් නම් නොවේ. ඇත්තෙන්ම කිවහොත් රජරට වෛද්‍ය පීඨය යනු මහලු මඩමකි. එය තනා ගැනීම සඳහා පුදුමාකර තදියමක් ත් තිබුනේ පේරාදෙණිය පීඨයේ උගන්වා විශ්‍රාම ගොස් අවලංගු කාසි බවට පත්ව සිටි  ආචාර්ය මහාචාර්ය කීප දෙනෙකුන්ටය. දේශපාලන  අධිකාරියේ අමන කමුත් එයට එක්වීමේ ප්‍රතිඵලය අංග විකල රජරට වෛද්‍ය පීඨයයි.

දේශපාලකයින්ගේත් , මේ මහලු ඇදුරන්ගේත් සැබෑ අරමුණ වැඩිපුර වෛද්‍ය සිසුන් ගණනකට අධ්‍යාපනය දීම නම් කල යුතුව තිබුනේ දැනට ස්ථාපිතව ,යම් ප්‍රමිතියක් ඇතිව පවත්වාගෙන යන වෛද්‍ය පීඨවල ඇති පහසුකම් තව වැඩි කර ඒවාට බඳවා ගන්නා සිසුන් ප්‍රමාණය වැඩි කිරීමයි. මහාචාර්ය ඒකක, සායනික පහසුකම් හා සුදුසුකම්  ලැබූ ගුරුවරුන් රහිත මෙවැනි පීඨයක් ආරම්භ කිරීම නොවේ. එම පීඨවල පහසුකම් වැඩි දියුණු කිරීමට අලුතින් , මෙවැනි පීඨ භාග බිහි කිරීමට වඩා වියදම් අඩු ,සිසුනගේ පමණක් නොව රෝගීන්ගේ පැත්තෙන්ද   වඩා සාධාරණ හා අඩු වියදම් ක්‍රියාවකි. එහෙත් එය අලුත් පීඨයක් ඇරඹීම තරම් අඬබෙර ගැසිය හැකි ක්‍රියාවක් නොවේ. එසේම එයින් පැජ් පෙරේරලගේ හා උඩුපිහිල්ලේ ලාගේ විශ්‍රාමික ප්‍රශ්න විස‍ඳෙන්නේද නැති බව නම් සැබෑය.

එහෙත් එයින් සිසුන්ට යම්තරමකට හෝ ප්‍රමිතියක් හා අන්තර්ජාතික පිළිගැනීමක් ඇති වෛද්‍ය උපාධියක් හැදෑරීමට ලැබෙනු ඇත. එය රජරට බඳු වෛද්‍ය පීඨ වලින් බිහිවෙන භාග වෙදුන්ගෙන් ප්‍රතිකාර ලබනවාට වඩා රෝගීන්ටද හොඳය.

වසර විසි තිස් ගණන් පේරාදෙණියේ උගැන්වූ මේ ගුරුවරු නියමිත පහසුකම් නොමැතිව වෛද්‍ය පීඨයක් ඇරඹීම කොතරම් හානිදායක දෙයක් දැයි හොඳාකාරවම දනී. එහෙත් ඔවුනට එය වැදගත් නැත. ඔවුනට වැදගත් තම පොකට්‍ටුව පමණි.අඩුම තරමෙන් පීඨය පටන් ගත් පසුව හෝ මහාචාර්ය ඒකක පිහි‍ටුවා පීඨය දියුණු කර ගැනීමට ඔවුනට අවශ්‍ය නැත. මේ මහලු ගුරුවරුන් පසෙක තැබුවත් , රජරට පීඨයට වැදී සිටින නාථ දෙවියන්ගේ ගෝලයන් වන ජයසුමනලාට හෝ මහමිතවලාටවත් එය අවශ්‍ය බවක් පෙනෙන්නේ නැත.ඇත්තටම ගතහොත් ජයසුමනලා හා  මහමිතවලා රජරට වෛද්‍ය පීඨයේ බංකොලොත් බව පෙන්වන කැටපත් බඳුය. වෛද්‍ය පීඨයක වෛද්‍ය සිසුන්ට උගන්වන ගුරුවරුන් වන මොවුන් දේව බලයෙන් ඩෙංගු රෝගය සුව කල හැකි යයි සිතනවුන් වීම මොනතරම් විගඩමක්ද?

මේ ප්‍රශ්නය ගැන මතු වෙන  ඊලඟ  කරුණ නම් මෙයට සම්බන්ධ වෙනත් පාර්ශව, එනම් රජයේ වෛද්‍ය නිලධාරි සංගමය, වෛද්‍ය පීඅඨ කමි‍ටු වැනි ආයතන සම්පූරණයෙන්ම නිහඬ පිලීතක් අනුගමනය කිරීමයි. මාලබේ වෛදා්‍ය පීඨයෙ සායනික පහසුකම් නැති නිසා එයට මාරන්තිකව විරුද්ධ වෙන මොවුන් රජරට  ගැන නිහඬව සිටින්නේ මන්ද? රජරට සිසුන් නිසි  ප්‍රමිතියකින් යුතු වෛද්‍ය අධ්‍යාපනයක් ලබා එලියට පැමිණ තමන්ට තරඟයක් දේවි යැයි බිය වී වත්ද?

Advertisements
අපේ ඇමති මණ්ඩලය ප්‍රසිද්ධිය සඳහා  නානප්‍රකාර දේවල් කරයි. උදාහරණයක් ලෙස වීරමල්වංශ ඇමතිතුමා ලෙමන්පෆ් කකා උපවාස කරයි. සුසිල් තුමා පෙට්‍රල් වලට වතුර දමයි. ජොන්ස්ටන් තුමා බාල සිමෙන්ති ගෙන්වයි. ඇස්බීන් තුමා නම් හතර අතේ ගාගනියි. මේවා දකින ජහමනයා ආ! අර ඇමතිතුමාත් තාමත් ඉන්නවනේ කියා දැනගනී. දැනගෙන ප්‍රීති වෙති.
 
අපේ සෞඛ්‍ය ඇමතිතුමා මේ සඳහා නොයෙක් දේවල් අත්හදා බලා අන්තිමට ‍තෝරාගත්තේ  බනින එකය. මොකක් හෝ හේතුවක් හදා ගෙන කාට හරි  බැන්නේ නැත්නම් එතුමාට නින්ද යන්නේ නැතියයි කාට හරි හිතෙන තරමට එතුමා බනිනවාය.    එතුමා වැඩි පුර බනින්නේ තමන්ගේ කට්ටියටය.ඒ කියන්නේ තමන්ගේ පක්ෂයේ කට්ටියට හා අමාත්‍යාංශයේ කට්ටියටය. 
 
අර දේශප්‍රේමි වංශ ඇමතිතුමා වගේ බටහිරටයි, බෑන් කී  මූන් ටයි ,කොල්ලටයි, බල්ලටයි බනින්නේ නැතිය. ඒක නිසා මේ බැනිල්ලෙත්   හොඳක් තියෙනවාය. ඇත්තටම කියනවානම් හොඳ දෙකක් තියෙනවාය.
 
එකක් නම් අමාත්‍යාංශයේ සිද්ද වෙන වැඩ කිඩ රටේ ජනයා දැන ගැනීමය. අනික එතුමා ගේ වැඩ කිඩ රටේ ජනයා දැන ගැනීමය.
 
එතුමා අමාත්‍යාංශය ගත්ත ගමන් හිටපු ඇමතිතුමාගෙ කාලය ගැන කියමින් බැන ගෙන බැන ගෙන ගියේය. මිනිස්සු නම් ඒකට කිව්වේ ඔය කෑ ගහන්නේ අගමැති පු‍ටුවට පොරකන හින්දාය කියලාය. හැබැයි එහෙම බනින කොට  තමන් මේ බනින්නේ තමන්ගේ පක්ෂයේම කෙනෙකුට කියලා එතුමාට අමතක වුනේය.
 
මේ මෑතකදී එතුමා තමන්ගේම ලොක්කාට ත් බැන්නේය. හැබැයි වහෙන් ඔරෝ භාශාවෙන්ය. මම කොන්ත්‍රාත් කාරයින්ගෙන් තේ කෝප්පයක්වත් බීලා නැතිය. මගේ පවුලෙ කවුරුවත් දේශපාලනේට ගෙනාවේ නැතිය ආදි වශයෙන් බැන්නේ වදින කෙනෙකුට වදින්න වගේ වුනත් ඒ වගේ කතාවලින් වැඩිපුරම වදින්නේ කාටද කියලා රටම නෙවේ ලෝකෙම දන්නවාය.
 
මේ දවස් වල එතුමා සිරිතක් වශයෙන් තමන්ගෙම අමාත්‍යාංශයේ නිලදාරින් දූෂිතය, හොරවැඩ කරනවාය, බාල බෙහෙත් ගේනවාය, ගොඩ නැගිලි කොන්ත්‍රාත් වලින් හොරා කනවාය ආදි වශයෙන් ‍රැස්වීම් වල කියන්නේය, පත්තර වලට ලිපි ලියන්නේය, ඉන්ටවීව් දෙන්නේය. මේ බනින බනින වාරයක් පාසා අපි මේ නිලදාරි හැත්තට ශාප කරමින් මේවා හෙලි කරන ඇමතිතුමාට චියර් කරනවාය.
 
හැබැයි මේ බනින්නේ ඒ නිලධාරින්ගේ ලොකුම ලොක්කා වන ඇමතිතුමා බව අපි අමතක කරමු. තමන්ගේ නිලදාරින් හොරකම් කරන කොට ඒක නවත්තන්නේ නැතිව , වැරදි කරන නිලදාරින්ට දඬුවම් නොකර පත්තරවල පි‍ටු පිරෙව්වාට වැඩක් නැත.
 
ඒකෙන් පේන්නේ ඇමතිතුමාට අමාත්‍යාංශය ඇතුලේ හරියට පාලනයක් කරගන්න බැරි බවය. නිලදාරින් තමන්ට ඕනෑ විදියට වැඩ කරන බවය. කොටින් කිව්වොත් ඇමති තුමා දුර්වලයෙක් බවය.
 
ඒ වගේම පක්ෂයේ අය හොරකම් කරනවානම් , ඥාති සංග්‍රහ කරනවානම් පක්ෂයේ මහ ලේකම් විදියට එතුමා ඒවා හොයා බලා අවශ්‍ය පියවර ගන්ට ඕනේය. එහෙම නැතිව ඒවා ගැන තැන් තැන් වල වහෙන් ඔරෝ කතා කීමෙන් පෙනී යන්නේ පක්ෂයේ ලේකම් වැඩේත් හරියට නොකරන බවය.
 
ඒ අනුව අපේ අවසාන නිගමනය  වන්නේ ඇමතිවරයෙක් විදියටත් දේශපාලකයෙක් විදියටත් එතුමා දුර්වලයෙක් බවත් සම්පූර්ණයෙන්ම  අසමත් බවත් ය.
 
සටහන-  හැබැයි ඒ දුර්වල කම හා අසමත් වීම නිසා එතුමා තමන් අගමැති කමට නම් ගැලපෙන බව ඔප්පු කර ඇත. මක් නිසාද යත් විජේතුංග තුමාගෙන් පසු දිගටම අගමැති කමේ හිටියේ ඒ කැටගරියේ අය නිසාය.
 

ඩෙංගු වසංගතය ආයේ සැරයක් රට  ගිලගන්නවා.  දැනටමත් හැත්තෑ ගානක් මැරිලා.  මේ ගැන කිසි දෙයක් නොකරන  සෞඛ්‍ය බලධාරියෝ  ජනතාවට දඩ ගහලා උන්ගේ අතේ තියෙන තුට්ටු දෙකට කෙලවන්න ලෑස්ති    වෙනවා.
 
මීට අවුරුද්දකට එකහමාරකට කලින් මේ වසංගතේ පැතිරෙද්දී මේ ලොක්කෝ අපිට කිව්වේ පොඩ්ඩක් ඉන්න කියුබාවෙන් බීටීඅයි බැක්ටීරියාව ගෙන්වනවා , එක ගෙන්වපු ගමන් මේ ප්‍රශ්නේ ඔක්කොම හරි යයි කියලා,  ඔය ඩෙංගුවා ආ ගිය  අතක් නැති කරනවා කියලා.
 
එහෙම කියලා රුපියල් කෝටි ගානක්  ගානක් මහජන මුදල් වියදම් කරලා කියුබන් බැක්ටීරියාව ගෙන්වූවා. හැබැයි  වෙච්ච දෙයක් නැහැ. කෝටි ගානක් වටිනා බීටීඅයි බැක්ටීරියා තොග  ගබඩා වල නාස්ති වෙන්න   ඇරියා.  බීටීඅයි ගහලා මදුරුවෝ මර්ධනය වුනානම් මදුරු කොයිල් විකිනෙයිද?
 
මේ අතරේ ගෑනු , පිරිමි , ළමයි තොග ගානේ ඩෙංගු හැදිලා මැරුණා. බීටීඅයි ගැන දැන් කතාවක්වත් නැහැ. මදුරුවොන්ගෙන් බේරෙන්න ඕනේ නම් මදුරු කොයිල් ගහපල්ලා කියලා නොකියා කිව්වා වගේ.
 
මේ අතරේ   මිනිස්සු අහන්න ගත්තා කෝ උඹල අර මහා ලොකුවට පම්පෝරි ගහලා ගෙන්වාපු බැක්ටීරියා කොහෙද , ඇයි ,මෙච්චර මිනිස්සු මැරෙද්දි ඒවා පාවිච්චි නොකෙරුවේ කියලා.
 
ඔන්න දැන් එලියට එනවා සත්‍ය ගවේෂී මාධ්‍යවේදිනියක්. ඒමන්ති. එයා තමා දිවයින පත්තරේ වෙනුවෙන් රටේ සෞඛ්‍ය බලා ගන්නේ.
 
සෞඛ්‍ය ලොක්කෝ එයාට කියනවා “කෙල්ලේ අනේ අපිව ගොඩ දාලා දීපන්කො , මේ කාලකන්නි අහනවනේ බීටීඅයි ගැහුවේ නැත්තේ ඇයි කියලා “
 
සෞඛ්‍ය ලොක්කෝ දෙන කේක් කෑල්ලක් කාල මේ නෝනා තමන්ගේ දේශප්‍රේමී, දේශහිතෙෂි පත්තරේට ලියනවා මෙහෙම ආර්ටිකල් එකක්.
 
“ඩෙංගු මදුරු කීටයන් විනාශ කිරීම සඳහා යොදන බී. ටී. අයි. බැක්‌ටීරියාව මෙරට ඩෙංගු මර්දන වැඩපිළිවෙළ සඳහා යොදා ගත හැකි සාර්ථක මදුරු මර්දන උපක්‍රමයක්‌ නොවන බව අනාවරණය වී තිබියදීත් සෞඛ්‍ය බලධාරීන් එම බැක්‌ටීරියාව කෙරෙහිම විශ්වාසය තබා ක්‍රියා කිරීම පුදුමයට කරුණක්‌ බව සෞඛ්‍ය වෘත්තීය සමිති පවසයි. බී. ටී. අයි. බැක්‌ටීරියාව ඩෙංගු මදුරු කීටයන් විනාශ කිරීම සඳහා කෙටි කාලීනව යොදාගත හැකි උපක්‍රමයක්‌ වුවද එය දිගුකාලීනව යොදාගැනීම විශාල මුදලක්‌ අපතේ යවන අසාර්ථක උපක්‍රමයක්‌ බව තහවුරු වී ඇතැයි එම වෘත්තීය සමිති පෙන්වා දෙයි. කියුබාව හා ඇමරිකා එක්‌සත් ජනපදය ඇතුළු බටහිර රටවල් විසින් නිපදවා ඇති බී. ටී. අයි. බැක්‌ටීරියාවන් එම රටවල පරිසරයට ගැලපෙන අයුරින් නිපදවා තිබීම නිසා ඒවා මෙරටට ගෙන්වීමේදී මෙරට පරිසරයට ගැලපෙන්නේ ද යන්න පිළිබඳව සොයා බැලිය යුතු බව පෙන්වා දෙන එම සෞඛ්‍ය වෘත්තීය සමිති පසුගියදා මෙරටට කියුබාවෙන් ගෙන ආ බී ටී අයි බැක්‌ටීරියාව මගින් ඩෙංගු මදුරු කීටයන් විනාශ කිරීමේදී සාර්ථක ප්‍රතිඵල අත්කර ගැනීමට මෙතෙක්‌ නොහැකි වී ඇතැයි අවධාරණය කළේය. “
මාරයි  නේද? දැන් වෘත්තීය සමීති තමා පරීක්ෂණ පවත්වලා සෞඛ්‍ය ලොක්කොන්ට උපදෙස් දෙන්නේ බැක්ටීරියා පාවිච්චිය හොඳ  නැහැ කියලා. ඒ උපදෙස් සෞඛ්‍ය ලොක්කන්ට යවන්නේ ඒමන්ති නෝනා හරහා වෙන්නැති. මොකද වෘත්තීය  සමීතී වුනත් දන්නවා  ඇතිනේ ,ඒමන්ති නෝනා සෞඛ්‍ය ලොක්කන්ව කොච්චර ලඟින් ආශ්‍රය කරනවද කියලා.
 

බලධාරීන් බැක්ටීරියාව කෙරෙහිම විශ්වාශය තබා කටයුතු කිරීම පුදුමයට කරුණක් කියලා තමා මේ නෝනා ලියලා තියෙන්නේ. එහෙම විශ්වාශයක් තිබ්බනම් බැක්ටීරියාව ඉහින්න එපැයි, ගබඩා වල හංග ගෙන ඉන්නේ නැතිව.

එයාල  විශ්වාශය තියාගෙන ඉන්නේ බැක්ටීරියා ගැන නෙවේ, මදුරු කොයිල් ගැන .
 
ඔයා මේ උත්සහ කරන්නේ වෙන මොකකටවත් නෙවේ  නෝනෝ . කෝටි ගානක් වියදම් කරලා  ගෙන්නපු   බැක්ටීරියාව  පාවිච්චි නොකළේ ඇයි කියලා ජනතාව  ප්‍රශ්න  කරන  කොට , ඒවා පාවිච්චි නොකර මුල්ලකට දාලා තිබ්බ බලධාරීන්  බේරා ගන්න . මේ බැක්ටීරියාව වැඩකට ඇති එකක් නෙවේ කියලා ජනතාව අතර මතයක් හදන්න. එහෙම නෙවෙයි නම්  කියන්නකෝ ඔයාට ඔය කතාව කීව එක වෘත්තීය  සමීතියක නමක්.  .
 
කොහොමද කේක් කෑල්ලට යට වුනු  පත්තර  කලාව. 
 
 

රජරට නිපදවන හාල්වල ආසනික් ඇතැයි නලින් ද සිල්වා මහාචාර්යතුමාට නාථ දෙවියන් විසින් කියා තිබේ. රජ රට ජනතාව අතර පැතිර යන වකුගඩු රෝගයට හේතුවත් ආසනික් බව මේ තුමාලා අපට පවසති. අපි මේ ගැන මීට පෙරද ලියා ඇත්තෙමු. එම නිසා නාථ දෙවියන් ගැන ලිවීම මදකට නවතා වකුගඩු රෝගය ගැන බලමු.

මේ වකුගඩු රෝග වසංගතය ගැන බොහෝ දෙනා බොහෝ දේ පවසති.

මුලින්ම එම රෝග තත්වයට හේතුව ඇලුමිනියම් භාජන වල ආහාර පිසීම යැයි මුලින්ම කියවුනි. ඉන්පසුව තවත් පර්යේෂක කණ්ඩායමක් මෙම රෝගයේ වගකීම වාරි ජලයට මුසු වුනු බැර ලෝහ වෙත , විශේෂයෙන්ම කැඩ්මියම් වෙත පැවරීය. මේ කාලයේ රජරට ජනතාවට වැව් මාලු , නෙලුම් අල ඇතුලු තවත් බොහෝ දේ ආහාරයට නොගන්න්නා ලෙස නොයෙක් පණ්ඩිතයන්ගෙන් උපදෙස් ලැබුනි.

මද කලක් ගත වන විට කැඩ්මියම් අමතක වී ගිය අතර අලුත්ම පර්යේෂකයින් පිරිසක් වකුගඩු රෝගයට හේතුව ජලයේ ඇති නීල හරිත ඇල්ගී විශේෂයක් බව ප්‍රකාශ කලෝය.

මේ මහා පර්යේෂකයින් සියල්ලෝම , තමන්ගේ මහා සොයා ගැනීම ගැන මාධ්‍ය සාකච්ඡාවක් පවත්වා ප්‍රසිද්ධියක් ලබා ගන්නවා හැරෙන්නට ඉන් එහා දෙයක් මෙම රෝගයෙන් බැට කන රජරට ජනතාව වෙනුවෙන් කලේ නැත. අඩුම තරමේ තම පර්යේෂණ ප්‍රසිද්ධ කර එයට පිලියමක් සොයා ගැනීම වෙනුවෙන් මාර්ගයක්වත් සදන්නට උත්සාහ කලේ නැත.

මෙම රෝගය ගැන මෙසේ නොයෙක් මත එලි දක්වන විට එම මත ඉදිරිපත් කරන පිරිස් රෝගයෙන් පීඩා විඳින ජනයා වෙනුවෙන් සෑබෑ ලෙසම මේ ප්‍රශ්නයට පිලිතුරු සොයන විද්‍යාඥයින් නම් කළයුතුව තිබුනේ සියලු දෙනාම එකතුව තම පර්යේෂණ ගැන පුලුල් විද්‍යාත්මක සාකච්ඡාවක් ඇරඹීමය.

තැන් තැන් වල සිටින මේ ඊනියා පර්යේෂකයින් තබා මේ ගැන බරක් තබා කටයුතු කල යුතු ආණ්ඩුව, විශේෂයෙන් සෞඛ්‍ය අමාත්‍යාංශයවත් ඒ ගැන උනන්දු බවක් පෙනෙන්නට නැත. සමහර විට ඔවුන් වකුගඩු රෝගින්ට ප්‍රතිකාර කිරීමට අවශ්‍ය ඖෂධ හා උපකරණ ගෙන්වීම පිලිබඳ කටයුතු නිසා කාර්ය බහුලව සිටිනවා විය යුතුය. මක් නිසාද යත් රෝගය වලක්වා ගැනීමට වඩා ප්‍රතිකාර කිරීම ලාභ දායක බැවිනි.

‍රැල්ලට දැන් අලුතින්ම එක් වී ඇත්තේ නාථ දෙවියන්ගේ ආසනික් ය. මෙම දේවාල කපුවන් පිරිසද මේ දක්වාම තම පර්යේෂණය එලි දැක්වූ බවක් පෙනෙන්නට නැත. ඒ වෙනුවට ඔවුනුත් කරන්නේ ඔවුන්ගේ පූර්වගාමිකයන් මෙන්ම මාධ්‍ය සංදර්ශන පවත්වමින් සිටීමය. වෙනසකට ඇත්තේ මෙම සංදර්ශනය දේශප්‍රේමි සංදර්ශනයක් වීමය.

මෙම සංදර්ශනයේ දැන් අලුත්ම ජවනිකාව ආසනික් සහිත කෘෂි රසායනික තොගයක් වරායේ දී රේගුව විසින් කො‍ටු කර ගෙන ඇති බවයි.අතුරලියේ රතනගේ පටන් සියලුම ආකාරයේ දේශප්‍රේමින් කරලියට පැමිණ එම ජවනිකාවේ දේශප්‍රේමි ගී ගයමින් සිටිති.

ආනයනය කල කෘෂි රසායනික වල ආසනික් හෝ වෙන ඕනෑම තහනම් රසායනිකයක් අඩංගු නම් කල යුතුව ඇත්තේ මාධාය සර්කස් පැවත්වීම නොව ,අදාල රසායනික ගෙන්වූ සමාගම් වලට එරෙහිව නීති මගින් කටයුතු කිරීමය. එම රසායනික මගින් පීඩාවට පත් ජනයාට වන්දි ලබා දීමට කටයුතු කිරීමය.

එසේම සහල් වල ආසනික් ආඩංගු නොමැතිව තිබෙද්දිත් මොවුන් ජනතාව බීය පත් වන ලෙස බොරු කියා ඇත්නම් ඔවුන්ට එරෙහිවද වහාම නීතිය ක්‍රියාත්මක විය යුතුය.

එහෙත් දැන් කෘෂිකර්ම ඇමතිවරයා කියන්නේ ඔවුන් විසින් කළ පරීක්ෂණ අනුව ලංකාවේ හාල් වල ආසනික් අඩංගු නොවන බවයි. එසේම ඔවුන් විසින් පරීක්ෂණයට ලක් කළ කෘෂි රසායනික වලින් වර්ග දෙකක හැරෙන්නට අනිත් කිසිවක ආසනික් අඩංගු නොවූ බවත් එම දෙකේ පවා තිබුනේ පිලිගත හැකි මට්ටම් වලින් බවත්ය. එම පිලි ගත හෙකි මට්ටම් ජාත්‍යන්තර ප්‍රමිතීන්ට අනුකූල දැයි වෙනම සොයා බැලිය යුතුය.

මෙම කණ්ඩායම් දෙකම පවසන්නේ සත්‍ය විය නොහැකි අතර පැහැදිලිවම මෙයින් එක පිරිසක් දැන දැනම බොරු කියයි. එසේ නැතිනම් ඔවුන්ගේ පර්යේෂණ ක්‍රමවේදයන් වැරදිය. එම නිසා බොරු තොරතුරු වලින් ජනතාව මුලා කරන මාධ්‍ය සංදර්ශන නොපවත්වා , වහාම තම පර්යේෂණ පිලිබඳව සියලු දත්ත හා ක්‍රම වේදයන් ප්‍රසිද්ධ කල යුතුය. එසේ නොමැතිව නාථ දෙවියන් හෝ විභීෂණ දෙවියන්මෙයට ඈඳා ගෙන ජනතාව මුලා කර ඔවුන් භීතියට පත් නොකල යුතුය.

එයින් වන්නේ සහල් වල ආසනික් ඇතැයි බියට පත් වන ජනයා අතර සහල් පාරිභෝජනය අඩු වීමයි . එවිට වී ගොවිතැන බිඳ වැටී ගොවින් ආර්ථිකව කඩා වැටීමට සලස්වා ඔවුන්ගේ කුඹුරු ඉඩම් කොල්ල කෑම බහු ජාතික සමාගම් වලටත් අනෙකුත් දේශිය හා විදේශිය කොල්ල කරුවන්ටත් ඉතා පහසුවෙන් කල හැකිය.

එසේම ඉඳි ආප්පයේ සිට කේක් ගෙඩිය දක්වා පාන් පිටි වලින් තැනු සියලු ආහාර හාල් පිටි වලින් තැනිය යුතු යැයිද , පාන් පිටි වලට බදු ගසා මිල වැඩි කර පාන් පිටි පාරිභෝජනය අඩු කළ යුතු යැයිද මේ දේශප්‍රේමින්ම මොර ගසා වැඩි කලක් ගත වී නැත. දැන් හාල් වලහ ආසනික් ඇතැයි කියමින් ජනතාව බියට පත් කරන මොවුන් කියන්නේ රට වැසියන් සියලු දෙනා කුරහන් පිට්‍ටු කෑ යුතු බවද?

එම නිසා මොවුන් දේශප්‍රේමි හැව තුලට වී නටන නාඩගම් දෙස අප ඉතා පරීක්ෂාවෙන් බලා සිටිය යුතුය. එසේම සැබෑ ලෙසම ආසනික් තර්ජනයක් ඇත්නම් කෘෂිකර්ම බලධාරින් කෘෂි රසායන සමාගම් වලට යට වී ඇත්දැයි යන්න පිලිබඳවද අපගේ අවධානනය යොමු කල යුතුය.

සටහන- නලින් ද සිල්වා ප්‍රමුඛ කණ්ඩායමේ රංගනය ක්‍රමයෙන් ටෙනිසන් කුරේ වර්ගයේ විහිලුවක් බවට පත් වෙමින් තිබේ. දැන් ඔවුන් පවසන්නේ වකුගඩු රෝගයට පමණක් නොව ඩෙංගු , මී උණ ආදි රෝගයන්ද හැදෙන්නේ ආසනික් නිසා බවයි. එම රෝග කෙසේ වෙතත් ආසනික් නිසා මානසික රෝග සෑදෙනවා යැයි කිව්වා නම් ජනතාව මීට වඩා විශ්වාස කරන්නට ඉඩ තිබුනි.

 

මූන්, මූන්, මූන්, මූන්, මූන්,මූන්, මූන්, මූන්, මූන්, මූන්, මූන්, මූන්,  මූන්, මූන්, මූන්,  මූන්,  මූන්,  මූන්,  මූන්,  ජීවන වියදම , මූන්,  මූන්, මූන්, මූන්, මූන්,මූන්, මූන්, මූන්, මූන්,  මූන්, මූන්, මූන්,මූන්, මූන්,ඩෙංගු , මූන්, මූන්, මූන්,මූන්, මූන්, මූන්, මූන්,  මූන්,  මූන්, මූන්, පෞද්ගලික අංශයේ විශ්‍රාම වැටුප් ,මූන්, මූන්, මූන්, මූන්, මූන්,මූන්, මූන්, මූන්, මූන්, මූන්, මූන්, මූන්,මූන්, මූන්, මූන්, මූන්, මූන්,මූන්, මූන්, මූන්, මූන්, මූන්,බඩු මිල ,මූන්, මූන්, මූන්, මූන්, මූන්,මූන්, මූන්, මූන්, මූන්, මූන්, මූන්, මූන්,මූන්, මූන්, මූන්, මූන්, මූන්,මූන්, මූන්,සරත් ෆොන්සේකා ,මූන්, මූන්, මූන්, මූන්, මූන්, න්, මූන්, මූන්,මූන්, මූන්, මූන්, මූන්,  මූන්, මානව හිමිකම් , මූන්, මූන්, මූන්, මූන්, මූන්, මූන්,,දූෂණ, මූන්, මූන්, මූන්, මූන්, මූන්, මූන්, මූන්, මූන්,මූන්, මූන්, මූන්, මූන්, මූන්,  මූන්,මූන්, මූන්, මූන්, සුදු වෑන්, මූන්, මූන්,මූන්, මූන්, මූන්, මූන්, මූන්, මූන්, මූන්,මාධ්‍ය නිදහස ,මූන්, මූන්, මූන්, මූන්, මූන්,මූන්, මූන්, මූන්, මූන්, මූන්,  මූන්,මූන්, මූන්, මූන්, මූන්, මූන්,මූන්, මූන්, පවුල් පාලනය ,මූන්, මූන්, මූන්, මූන්, මූන්,විශ්ව විද්‍යාල ප්‍රශ්න ,මූන්, මූන්, මූන්, මූන්, මූන්,මූන්, මූන්, මූන්, මූන්, මූන්, මූන්, මූන්,මූන්, මූන්, මූන්, මූන්, මූන්,මූන්, මූන්, මූන්, මූන්,  මූන්,  මූන්, මූන්,මූන්, මූන්, මූන්, මූන්, මූන්,මූන්, මූන්, මූන්, මූන්, මූන්,මූන්, මූන්, මූන්, මූන්,  මූන්,  මූන්, මූන්,මූන්, මූන්, මූන්, මූන්, මූන්,මූන්, මූන්, මූන්, මූන්, මූන්,මූන්, මූන්, මූන්, මූන්,  මූන්,  මූන්, මූන්

මේ අවුරුදු කාලේ තෙල් බේරෙන කැවුම් ගෙඩි වාගේ හිනා වේවි ප්‍රීතියෙන් සිටින  ජනතාවට සෞඛ්‍ය අමාත්‍යාංශය අනතුරු ඇඟවීමක් නිකුත් කරලාය. ඒ රතිඤ්ඤා ගැන නොව ඩෙංගු රෝගය ගැනය. ඩෙංගු රෝගය ආයෙමත් සැරයක් හිස ඔසවමින් ඉන්න බවත් , සෞඛ්‍ය  කොට්ටාස 18 ක් රතු කලාප විදියට නම් කරලා තියෙන බවත් කියනවාය.

මේ අවුරුද්දේ ඩෙංගු රෝගීන් 2969 ක් හම්බ වෙලා . 31 දෙනෙක්  රෝගයෙන් මියැදිලා.

දැන් එතුමලා අපිට අනතුරු අඟවනවා පරිස්සම් වෙන්ට කියලා. ඒක තමා එතුමා ලාගේ, ඒ කිව්වේ සෞඛ්‍ය අමාත්‍යංශයේ,  රාජකාරිය වෙලා තියෙන්නේ. අනතුරු අඟවන එක. ජාතික ධනයෙන් කෝටි දහස් ගානක් අවුරුදු පතා වියදම් කරන්නේ  වසංගතයක් එන කොට ඒ ගැන අනතුරු අඟවන්ට. රෝගිවන්නන්ගේ හා  රෝගයෙන් මිය යන්නන්ගේ සංඛ්‍යා ලේඛන ලබා දීම විතරයිද මන්දා උන්දලා දන්නා රාජකාරිය.

ඩෙංගු රෝගය සම්බන්ධව හැසිරෙන විදිය ගත්තාම නම් ඊට වැඩි යමක් උන්නැහේලා කරන්නේ නැහැ. ඊට වැඩි යමක් කරන්න එයාලට ඕනේ නැතිද? හැකියාවක් නැතිද ? එහෙම නැත්නම් දෙකමද?

වැස්සත්  එක්ක ඩෙංගු පැතිරීම වැඩි වෙන කොට  පටන් ගන්නවා, ගෙවතු සුද්ද කරනවා , ශ්‍රමදාන තියනවා    ,පෝස්ටර් ගහනවා   , ඒ මදිවාට කියුබාවෙන් , අරහෙන් මෙහෙන් බැක්ටීරියා ගේනවා, ඒවා ඉහින්න හදනවා, දේශීය බැක්ටීරියා හදනවා, ටෙස්ට් කරනවා  . මාර වැඩ කෝටියයි.

ඊ ලඟට වැස්ස  පායලා වියලි කාලගුණෙත් එක්ක ස්වාභාවිකවම ඩෙංගු පැතිරීම අඩු වෙන කොට අර ඔක්කොම අමතකයි. සෞඛ්‍ය අමාත්‍යංශයට විතරක් නෙවේ, මිනිසුන්ට, මාධ්‍යවලට කාටත් අමතකයි. ඩෙංගු කියලා එකක් රටේ තිබ්බද කියලත් අමතකයි.

ඩෙංගු මර්ධනය පැත්තකින් තිබ්බත් ප්‍රතිකාර වලට පවා රජයේ රෝහල් වල පහසු කම් ඇත්තෙම නැති තරම්ය.  රෝගය කල් තබා හඳුනා ගත හැකි PCR  පරීක්ෂාවට ඕනේ කරන  උපකරණ එක රජයේ රෝහලකවත් නැතිය. සල්ලි ඇති රෝගීන්ට  අවශ්‍ය නම් පෞද්ගලික රෝහල් වලින් එම පරීක්ෂාවන් කර  ගන්ට හැකිය. .මෙතුමාල  කාබසීනිය  කරන කෝටි   ගානක්  මුදල් වලින් මේ පහසු කම් වැඩි දියුණු කරන්ටවත් හිතන පාටක් නැතිය

ඔන්න ආපහු වැස්ස ඇවිත් ඩෙංගු එනකොට මුන්නහෙලා නින්දෙන් ඇහැරිලා ඇවිත් අනතුරු අඟවනවා. සංඛ්‍යා ලේඛන නිකුත් කරනවා . රටක සෞඛ්‍ය අමාත්‍යංශයක වගකීම ඒකද? ඒක කරන්න ජන හා  සංඛ්‍යා ලේඛන දෙපාර්තමේන්තුවට බාර දුන්න නම් සෞඛ්‍යට කියා වියදම් කරන කෝටි දහස් ගානක් මුදල් කන්දරාව ත් ඉතුරු වෙයි.

සටහන- දැන් අයෙමත් ස්වර්ණවාහිනියේ හා -රේන්ද ජය ලාල්ට කඳුළු වගුර වගුර හොටු පෙර පෙර  ඩෙංගු වලින් මල මිනිස්සුන්ගේ මල මිනී විකුනන්ට පුළුවන්.

පුරාවිද්‍යා දෙපාර්තමේන්තුවේ නිලධාරින් විසින් සීගිරි බිතු සිතුවම් මත ආලේප කළ   රසායනික ද්‍රව්‍ය නිසා එම සිතුවම් වලට හානි සිදු වී ඇති ඇතැම් මාධ්‍ය  ගෙනයන ප්‍රචාරය අමූලික බොරුවක් බවත්, එම සිතුවම් වලට කිසිදු හානියක් සිදු වී නැති බවත්, එම ප්‍රතිමා අවර්ණ වීම පටන් ගෙන ඇත්තේ 1930 ගණන් වල සිට බවත්, පුරාවිද්‍යා දෙපාර්තමේන්තුවේ  නිලධාරින්  විසින්ම  කල පරීක්ෂණයකින්  හෙළි වී ඇතැයි  පුරා විද්‍යා කොමසාරිස් ආචාර්ය සෙනරත් දිසානායක මහතා පවසයි.
 
තමා කැලණියේදී සමෘධි නිලධාරියෙකු ගස් නොබැන්ද බවත් , ඩෙංගු මර්ධනය සඳහා  තමා ගෙනයන වැඩ පිළිවෙල ගැන පැහැදී, එයට සහයෝගයක්  දෙනු වස්  ,රටට ආදර්ශයක් වශයෙන් එම නිලධාරියා තමන්වම ගස් බැඳ ගත් බවත් එම නිලධාරියා ඒ බව පවසමින් තමාට ලියුමක් දී ඇති බවත්ආචාර්ය මර්වින් සිල්වා මහතා පැවසිය.
මේ ආචාරියලා දෙදෙනාගේම හැසිරීම් රටාව එකක් වීම හුදු අහම්බයක්ද නැතිනම් ජානගත සංසිද්ධියක්ද?