Posts Tagged ‘එස් බී දිසානායක’

ලංකාවේ සරසවි වලට සිසුන් ‍තෝරා ගන්නේ  අපොස උසස් පෙල ප්‍රතිඵල අනුවය. ඇට මැස්සා දන්නා කාලයේ සිට මීට වසර කීපයකට පෙර වූ කාලය දක්වා  උසස් පෙල විභාගයේදී එක් එක් විෂයට  සිසුන් ලබා ගන්නා ලකුණු එකතු කර සාදා ගන්නා මුලු  ලකුණු මත සිසුන් බඳවා ගන්නා ලදි. එහිදී වැඩිම මුලු ලකුණු ලබා ගත් සිසුන්ට සරසවි වරම් හිමි විය. එම ක්‍රමයේ ඇති සරල ,නොසියුම් හා රලු බව නිසා සිසුන් සමහර දෙනෙකුන්ට අසාධාරණයක් වීමට යම් ඉඩක් තිබුණු අතර ඒ නිසාම එම දෝෂයන් සමනය කිරීමට වඩාත් සංකීර්ණ  ඉසැඩ් ලකුණු ක්‍රමය  හඳුන්වා දෙන ලදි.

විචල්‍යයන් රාශියක් උපයෝගී කරගෙන ගණනය කරනු ලබන ඉසැඩ් ලකුණු ක්‍රමය උසස්පෙල විභාගයට සුදුසු පරිදි සකස් කර දුන්නේ සංඛ්‍යානය පිලිබඳ ප්‍රමාණික උගතෙක් වන පේරාදෙනිය සරසවියේ කෘෂි විද්‍යා පීඨයේ මහාචාර්ය තටිල්ය.ඔහු විසි න් හඳුන්වා දුන් ක්‍රමය වසර ගණනක් කිසිදු ප්‍රශ්නයකින් තොරව පවත්වාගෙන  ගියේය.

ප්‍රශ්නය ආවේ මේ වසරේය. ඒ එකිනෙකට වෙනස් විභාග දෙකක ලකුණු එකම ඉසැඩ් ලකුණකට පරිවර්තනය කිරීමට යාමේදීය. විභාග කොමසාරිස් , ආණ්ඩුවත්, ඇමතිලාත් සියලු දෙනා අනා ගත්තේය.

පසුගිය වතාවන්ටත් වඩා සංකීර්ණ මෙම ඉසැඩ් ලකුණු සැකසීම සඳහා විද්වත් මණ්ඩලයක් පත් කල  බවත් ලකුණු සකස් කලේ ඔවුන් විසින් බවත් අපට පසු ගිය දිනවල අසන්නට ලැබුනි. ඔවුන්ට  වෙන වෙනම විභාග දෙකක ඉසැඩ් ලකුණු එක ඉසඩ් අගයකට සකස් කිරීමේ සංකීර්ණ කටයුත්ත බාරව තිබිණි.  මේ විද්වත් මණ්ඩලයේ සිටිය යුතුම පුද්ගලයෙක් වන්නේ එම මූලික ඉසැඩ් ලකුණු සකස් කල පුද්ගලයා බව ඕනෑම මන්දබුද්ධිකයෙකුට වුවත් තේරෙන දෙයකි. එහෙත් එය මෙරට විභාග බලදාරින්ටත්, දුසිම් භාගයක් පමණ වන ඇමති ලාටත්, අධීක්ෂණ , පරීක්ෂන ඈ නොයෙක් මන්ත්‍රිලාටවත් නොතේරුනි.ඇත්තටම එය සමහර විට නොතේරෙන්නට ඇත්තේ අප ඉහත කී උන්ට පමණක් වෙන්නට ඉඩ තිබේ.

දැන ගන්නට ලැබී ඇති පරිදි විභාග කොමසාරිස් විසින් මහාචාර්ය තටිල්ව  මෙවර ලකුනු සැකසීම සඳහා යොදා ගෙන නැත්තේ ඔහු සමග ඇති පෞද්ගලික අමනාපයක්  නිසාය.එය ඇත්ත නම්  එක් අමන පුද්ගලයෙකුගේ අමන තකතිරු මොට්ට ක්‍රියාවක්  අහිංසක දූ දරුවන් ලක්ෂ තුනකගේ අනාගතය අඳුරේ හෙලා ඇත. එපමනක් නොව රටේ විභාග ක්‍රමය ගැන තිබූ විශ්වාසය සහමුලින්ම බිඳ වැටී ඇත. මොවුන්ට අවශ්‍ය එයද ?

කථාව එතැනින් අවසන්  නැත. සියල්ල කෙලවා ගත් පසු ඒ වැරද්ද සෙවීමට පත් කල ඊනියා කමි‍ටුවටවත් මහාචාර්ය තටිල් පත් කලේ  නැත. ඒ වෙනුවට පත් කලේ ඌව උපකුලපති බඳු දේශපාලන ඇම්බට්ටයින්ය. ඒ තමන්ට අවශ්‍ය ලෙස වාර්තාවක් කමි‍ටුවෙන් ලබා ගැනීමටය. තටිල් එම කමි‍ටුවට පත් කරා නම් ඔහු වැ‍රැද්ද සොයා ගනීවි යැයි බයක් ඇත්ද? මේ බලධාරින්ට සඟවා ගන්නට යමක් ඇත්ද? මේ අවුල ඇති වුයේ යම් කිසි වංචනික ක්‍රියාවක ප්‍රතිපලයක් ලෙසද? මේ ගැන අවධානයෙන්  සිටිය යුතුය.

ආණ්ඩුව උසස් පෙල ප්‍රතිපලයද  අනා ගෙන හතර අතේ ගා ගෙන රටම ගඳ ගස්සමින් නිකුත් කර තිබේය.  ප්‍රතිපල ෆුල් අවුල්ය. දිස්ත්‍රික් මට්ටම (රෑන්ක්) අඩු සිසුන් රටේ මට්ටම ඉහලින් ලැබී ඇත. ප්‍රතිපල අඩු සිසුන්ගේ ඉසැඩ් අගය වැඩියෙන් ලැබෙද්දී ප්‍රතිපල වැඩි සිසුන්ගේ ඉසැඩ් අගය අඩු වී ඇතිය.

කලා සිසුන්ට ගණිත ප්‍රතිඵල ලැබේ. ඩයලොග් හා මොබිටෙල් වලින් ලැබුණු ප්‍රතිඵල දෙවිදියක් බව සමහර වෙබ් අඩවි වාර්තා කර තිබුනේය.
විභාගය පවත්වා මාස හතරකට පසු නිකුත් කළ ප්‍රතිපල එහෙමය.

මේ ප්‍රතිපල නිකුත් කිරීම බාරව තිබුනේ ලේසි පාසු පුතයන්ට එහෙම  නොවේය.

එකෙක් ලංකාවේ විශ්ව විද්‍යාල ශිෂ්‍යයන් පමනක් නොව උන්ගේ ආච්චිලාටත් උගන්වන කොන්ත්‍රාතුව බාර ගෙන සිටින ඇස්.බී දිසානායක තුමාය. අනිකා ලෝකයේ සිටින දෙවැනියට හොඳම  අධ්‍යාපනඥයා වන බන්දුල ගුණවර්ධන තුමාය. ( පලමු වැනියා  මේ මෑතකදී ලංකාවේ අධ්‍යාපනය  ගැන දුක හිතී ආණ්ඩුවට හේත්තු වූ ග්‍රේරෝ තුමාය.)

වැරද්ද කොම්පියුටරේ බවත්, ජ්‍යාමිතික සූත්‍ර සියල්ල කොම්පියුටරයට කවා ගනනය කල බවත්  ඇස් බී ඇමතිවරයා දැනටම කියා ඇති නිසා විභාග දෙපාර්තමේන්තුවේ කොම්පියුටර් වලට හොඳ දඬුවමක් ලඟදීම ලැබෙනු ඇතැයි සිතිය හැකීය. විභාග ප්‍රතිපල ජ්‍යාමිතියෙන් ගනනය කලේ කොහොමදැයි දන්නේ ඇස් බී තුමාත් අනුර එදිරිසිංහ මහතා තුමාත්  පමණක්ය.

මෙතැන ඇති වූ ප්‍රශ්නය විභාග දෙකක ප්‍රතිපල එක ඉසැඩ් පරිමානයකට ගැනීම බව තව කවුදෝ උත්තමයෙක් කියා තිබුනාය. ඔය ප්‍රශ්නෙට උත්තර හොයන්න ගත්තේ විභාගය පවත්වා මස හතරක් ගත වූවාටත් පසුව විය යුතුය.අඩුම තරමේ විභාගය පැවත් වූ දවස් වල වත් ඔය ගැන හිතුවා නම්   ඔතරම් කඩිමුඩියේ ජ්‍යාමිතික සූත්‍රවලින් විභාග ප්‍රතිපල ගනනය කරන්ට වෙන්නේ  නැතිය.

කොහොම වෙතත් මේ සැරේ උසස් පෙල ප්‍රතිපල වලින් අපි ආස්චර්යය කරා යන ගමනට හොඳ   තල්ලුවක් ලැබී ඇත. අපි ලංකාව ලෝකයේම ආශ්චර්ය  කරන්නේ එහෙමය.

ඔබට සුභ අනාගතයක්

විස්සවිද්යාලේ කීර්ති නාමයට හානි කිරීම නිසා පේරාදෙණිය විස්ස විද්දියාලේ සියලුම සිස්ස සංගම් තහනම් කල බව උපකුලපති මහාචාරිය ඇස්.බී.ඇස් අබේකෝන් කියා සිටී.

ජාතිමාමක, දේශහිතෛෂී ,අධිරාජ්‍ය විරෝධී, ආන්ඩුව අයිඇම් එෆ් එකත් එක්ක හවුලේ ලබන මාසේ ප්‍රයිවට් විස්ස විද්යාල පනත ගේනවා. ඊට  කලින් ශිෂ්‍ය සංගම් ටික තහනම් කරලා විරෝදයක් නැතිව පනත සම්මත කරගන්ට ඕනෑ . ඒකට පස සකස් කරලා දෙන්ට කියලා ඇස් බී ඇමති තුමා උපකුලපති කට්ටියට දැනුම් දීලා වගෙයි.

උපකුලපති කමේ පලමු වාරේ ඉවර වී ගෙන එන නිසා කොහොමටත් මේ ඇස් බීට ඒ ඇස් බී කියන විදියට නටන්න වෙනවා. නැත්නම් මේ ඇස් බීට දෙවැනි වාරයක් තනතුරේ ඉන්න ලැබෙන්නේ නැහැනේ. පෙලපාලියෙන් ආපු සිස්සයන්ට පහර දෙන්න මැරයින්ට පොලු මුගුරු දුන්නේ කොයි ඇස් බී ද කියලා දැන් සැකයක් මතු වෙලා. විස්ස විද්යාලේ කීර්තී නාමයට හානි වෙන්නේ සිස්සයෝ නිසා නෙවේ ඇමතිලාගේ පදේට නටන මේ වගේ උපකුලපතිලා නිසා කියලයි ඇට මැස්සාට හිතෙන්නේ.

සටහන- මේ ෆොටෝ එකේ ඉන්නේ ලක්ෂ ගනන් වියදම් කරලා තමන්ගේ ලමයි විස්ස විද්දියාලෙට යවන්න පුලුවන් අම්මලා තාත්තාලාද. එහෙම නැත්නම ඇස් බී ජෝඩුව කුලියට ගෙනා කට්ටියක්ද?

 

 

උසස් අධ්‍යාපනය බාර ඇමත්තා සිය  අධෝ මුඛය නැවත වතාවක් විවෘත කර ඒ අසලම තැන්පත් කර ඇති ස්වකීය මෂ්තිස්කයට ගැලපෙන ප්‍රකාශයක් කර තිබේ.විශ්වවිද්‍යාලවල සාමය ‍රැකීමට ඒවා තුල පොලිසී පිහිටවන බව ඔහු කියයි.

මීට ප්‍රථමයෙන් ලංකාවේ සරසවියක් තුල පොලිස් ස්ථානයක් පිහිටවූයේ 1984 දී වන අතර සිසුවෙකුගේ ජීවිතයක් බිල්ලට ගැනීමෙන් අනතුරුව එය ඉවත් කර ගැනීමට ජූනියස් ජයවර්ධනට සිදු විය.දහසකුත් එකක් පීඩනයන්ට යට වී අධ්‍යාපනය ලබන ,ඒ නිසාම ආවේගශීලි හා කැරලිකාර සරසවි සිසුන් පාලනයට පොලිසීය යෙදවීමට, එවන් වූ සිසුන් දහස් ගණනක් වෙසෙන සරසවි තුල පොලිසි පිහි‍ටුවීමට සිතන්නේ   අංශු මාත්‍රයක්වත් මොලයක් ඇති අයෙක් විය නොහැක. නමුත් අප රටේ පාලකයින් සිතන්නේ එලෙසය. උන්ට ඡන්දය දෙන චන්දදායකයිනුත් උන්ට දෙවැනි නැත. කරන තරමක් කරන්නේ ගොන් කම්ය.

 මෙසේ හදිසියේම සරසවිවල ආරක්ෂාව පිලිබඳව ප්‍රශ්නයක් මතු වූයේ ඇයි. සරසවි තුල පොලිස් ස්ථාන පිහි‍ටුවීමට තරම් ප්‍රශ්නයක් තිබේද?

රටේ විපක්ෂය බේද බින්න වී නන්නත්තාර වී ඇති තත්වයක් තුල ආණ්ඩුව ගෙන යන ඒකාධිපති ක්‍රියාදාමයට යම්තම් හෝ ප්‍රතිරෝධයක් නැගෙතැති සිතිය හැකි සරසවි ප්‍රජාව තමන්ගේ අණසක යටතට ගැනීමට ආණ්ඩුවේ ඇති නග්න ආශාව, ඒකාධිපති වියරුව  මිස මෙය අන්කිසිවක් නොවේ.

පසුගිය දා සරසවි ඇදුරන් ගෙන ගිය වෘත්තීයේ අරගලයත් , පෞද්ගලික වෙද විදුහලට එරෙහිව වෙද සිසුන්ගේ සටනත් නිසා එස්.බී  ලා සිටින්නේ ඔවුන් කෙරෙහි වූ වෛරයෙනි. එම නිසා කුමන හෝ මිලක් ගෙවා සරසවි පද්ධතිය තම පාලනයට නතු කර ගැනීම ඉදිරි දේශපාලන කටයුතු වලට පහසුවක් වනු ඇතැයි ඔවුන් සිතන බව පෙනේ.

විශේෂයෙන්ම ලබන වසර මුලදී පෞද්ගලික සරසවි පිලිබඳ පනතක් පාර්ලිමේන්තුවට ගෙන එන බවට කියවී ඇති මොහොතක සිසුන් පගා දමා මර්ධනය කර ගෙන සිටීම ඉතා වැදගත් වේ. එසේම වත්මන් රෙජිමය ඉදිරි කාලයේ රට පාලනය කරන්නට සැලසුම් කොට ඇත්තේ කෙසේදැයි එස්බී ගේ මෙම ප්‍රකාශයෙන් වටහා ගත හැක.

ආරක්ෂක අමාත්‍යාංශයට අනුබද්ධ රක්නා ලංකා නම් ආරක්ෂක සමාගම සරසවි වල ආරක්ෂක කටයුතුවලට යොදවන්නේ සමස්ත සරසවි  ප්‍රජාවම විරුද්ධ වෙත්දී තමන්ට කූටාලිකම් කරන උපකුලපතිවරුන්ගේ සහයෙනි. මෙම ක්‍රියාව නිසා සරසවිවල ආරක්ෂක වියදම තුන් ගුණයකින් ඉහල ගොස් ඇති බව වාර්තා විය.

මෙසේ අධ්‍යාපනයට වෙන් කර ඇති සොච්චම් මුදලින් කොටසක් නැවත වතාවක් වක්‍රව ආරක්ෂක අමාත්‍යාංශයට ගෙන්වා ගන්න අතර එම ක්‍රියාවන්ට එරෙහිව නැගී එන ජන මතය නිහඬ කිරීම සඳහාද යම් වැඩ පිලිවෙලක් ක්‍රියාත්මක වන බව පෙනේ.

ආණ්ඩුව , කැළණියේ අනාථ නලින් ද සිල්වා, ජපුර කන්‍යාරත්න වැන්නවුන් හා සිසුන් අතරට රිංගවා සිටින තම තැරව්කරුවන් ලවා සිසු ගැ‍ටුම් ඇති කරවන්නේ ඒ වෙනුවෙනි. විශේෂයෙන්ම කැළණියේ මෑතක ඇති වූ සිසු ගැ‍ටුම ගැන කෙලින්ම ඇඟිල්ල දික් වන්නේ නලින් ද සිල්වා වෙතය. මෙසේ ගැ‍ටුම් ඇති කර ඒවා මැඩ පැවත්වීමට පොලිසීය ගෙන ඒම ඉතාමත් පහසු කටයුත්තකි.

එපමණක් නොව මේ දිනවල මුලතිව් කැලයටත් වඩා අවි ආයුධ මතු වෙන්නේ සරසවි ශිෂ්‍ය නේවාසිකාගාර වල තිබීය. පේරාදෙණියෙන් ටී 56 උණ්ඩත් ජපුරෙන් බෝම්බත් මතු වී තිබේ. සරසවි වලට පොලිසී යෙදවීමට මීටත් වඩා තව අවශ්‍ය මොනවාද? මෙසේ අවි ආයුධ හංගා ගෙන සිටින ශිෂ්‍ය ත්‍රස්තවාදින් මර්ධනයට පොලිසීය යෙදවීම ගැන කවුරු විරුද්ධ වෙන්නද?

සටහන- අවශ්‍යම නම් දේශද්‍රෝහි බෙංගාසියන් බවට පත් වෙමින් සිටින ශිෂ්‍යයන් මර්දනය කිරීම ඉතාමත් දේශප්‍රේමි කටයුත්තක් බවට ප්‍රකාශයක් කලක් හිරු පුවත්පතේ අකුර විශේෂාංගය  කල විමලසිරි ගම්ලත් සහෝදරයා ලවා කරවා ගත හැකිය.

එස් බී නමැති මුග්ධ   දේශපාලකයාගේ  මුග්ධ  අදහසක්  අනුව  ක්‍රියාත්මක  කල  සරසවි සිසුන්   සඳහා ලබාදුන් ඊනියා නායකත්ව පුහුණුව හෙවත්  ආණ්ඩුවේ  නිල    නවක  වධය  පිලිබඳ  සැබෑ  තතු   අප මීට  පෙර  හෙළි කළෙමු
 
එම හමුදා  පුහුණුවේදී  සිසු සිසුවියන්   කොතරම්  අපහසුතාවයන්ට  ලක් කරන්නේදැයි යන්න  එයට සහබාගි වූ  වූවන්  විසින්ම   හෙලිකරද්දීත්තමන් එම පුහුණුවට සහබාගි වුවන් ලෙස හඳුන්වා  ගනිමින් එම ලිපියට  කොමෙන්ටු    දැමු  සමහරුන් ආණ්ඩුවට කඩේ යමින් කියා  සිටියේ අදාළ ලිපිය ලියා ඇත්තේ එම පුහුණුවට සහබාගි වුවෙකු නොවන බවත් එය හුදු මඩ ගැසීමක් පමණක් බවත්ය.
 
 එතැනින් නතර නොවූ මේ  බත්  බැලයන්  කියා සිටියේ අදාළ පුහුණුව මාර ආතල් එකක් වූ බවත් තමන් ජීවිතේ කිසි දිනෙක එවැනි සැපක් නොවිඳි  බවත්ය.
 
දියතලාව යුද හමුදා කඳවුරේ මේ පුහුණුවට සහබාගි වෙමින් සිටින   අතරතුර රෝගාතුරවූ 20 හැවිරිදි නිශාන්ති මධුෂානි නමැති ශිෂ්‍යාව  බදුල්ල රෝහලේදී මියගොස් තිබේ.ඇයගේ මරණ පරීක්ෂණ වාර්තාවේ දැක්වෙන්නේ අධික දූවිලි සහිත පරිසරයක ගැවසීම නිසා පෙනහලුවලට විෂබීජයක් ඇතුළුවී ඇති නිසා මෙම මරණය සිදුව ඇති බවයි.
 
සිසුන්ට රිදවා කුරිරු සතුටක් ලබන  මානසික රෝගී ඇමතියන්ද,  පුහුණුව අනිවාර්ය කරමින් , පුහුණුවට සහබාගි නොවන්නන්ට සරසවි ඒමට නොදෙන්නේ යි කියමින් පාරම් බෑ බඩ තඩි ලේකම්ලාද , පුහුණුවේ ආතල් ගැන කුලියට ලියු බැලයන්ද ,  දැන් මුක පූට්ටු  කරගෙන සිටිති.
 
මිය ගිය සිසුවිය ගැන වග කියන්නට එකෙක්වත් නැත.අඩුම තරමේ ඇය මිය ගිය පුවත පුවත  , මල මිනි  විකුණා  කෑම   තම ජීවිකාව කරගත්  ස්වර්ණවාහිනියට  පවා  පුවතක්  නොවේ. 
 
මෙම පුහුණුව පැවැත්වීමට මෙම මිස්ටර් බීන් ලාට තිබුනේ පුදුම තදියමකි.  දැනුම් දී දින කිහිපයක් තුල එයට සහබාගි වීමට සිසුන්ට සිදු විය.  ඒ බරපතල ලෙස ඔවුන් බිය ගන්වා තිබියදීය. 
 
මෙම පුහුණුවට සහබාගි  නොවන්නේ  නම් සරසවි  ඒමට නොදෙන්නෙමි යි  කියන වහසි බස් තුල සිසු සිසුවියන්  තමන්ට   කුමන   රෝග  තත්ත්ව තිබුනද,  ඉතා අමාරුවෙන් දිනා ගත්    සරසවි වරම් මෙම  ඔල මොට්ටල දේශපාලන තීන්දු නිසා අහිමි   වේ යයි සිතා  එයට සහබාගි විය. දෙමවුපියන්ද බියේ ගැහෙමින් තම දරුවන් කඳවුරු වෙත එවීය.
 
කෙසේ නමුත් අවසානයේ සිදුව ඇත්තේ අහිංසක දෙමවුපියන් විසින් වසර විස්සක් තිස්සේ අසීරුවෙන් හදාවඩා ගත් දියණියක , අමන දේශපාලකයින්ගේ ඔලමොට්ටල තීන්දු නිසා ඔවුන්ට අහිමි වීමය. 
 
 
සටහන –  ඇය මිය ගොස් ඇත්තේ උපතේ පටන් තිබු රෝගයකින් යයි මේ බැලයන් ළඟදීම සොයා ගැනීමට ඉඩ ඇති අතර  දිවයින, ස්වර්ණවාහිනිය ප්‍රමුක  බත් බැල පුවත්පත් හා රූපවාහිනී  නාලිකා වලින් ඒ බව ජනතාවට දැනුම් දෙනු ඇත. ජනතාවද ඒ බව හිස් මුදුනින් පිලි ගනු ඇත.
 
සාමාන්‍ය රෝගීන්ට වඩා  මානසික රෝගීන් සමාජයට හානිකරය. ඒ ඔවුන් තමාටත් හානි කර ගන්නා අතරම අනිකුන්ටත් හානි කරන බැවිනි. බොහෝ විට ඔවුන් කරන දෙයින් ලැබෙන ප්‍රතිපලය පිළිබඳව ඔවුන්ට අවබෝධයක් නැති බැවින්  ඉතා භයානක දේ කරති. එයින් රෝගියා මෙන්ම ඔහු වටා සිටින අයත්, අනතුරේ වැටේ.
 
මානසික රෝගියෙකුට සමාජය තුල  යම්  කිසි බලයක් ලැබුනොත් ඔහු අතින් සිදු වන හානිය බලපාන පිරිස වඩාත් වැඩි වේ.
 
 ප්‍රාදේශීය සැබෑ මන්ත්‍රීවරයෙකු පිස්සෙකු වුවහොත්  ඔහු අතින් වන  හානිය සාමාන්‍ය මිනිසෙකු ඇති වන හානියට  වඩා තරමක වැඩිය. ඊට වඩා  හානියක් පළාත් සබා මන්ත්‍රී පිස්සෙකු අතින් සිදු විය හැක. මක් නිසාද යත් ප්‍රාදේශීය  සබා මන්ත්‍රී පිස්සා හානි කරන්නේ අදාළ ප්‍රාදේශීය සබාවට පමණක් විය හැකි අතර පළාත්  සබා මන්ත්‍රී පිස්සා ඊට  වඩා   වැඩි  ප්‍රදේශයකට  බල පූලුවන්  කාරයෙක් වන  බැවිනි.
 
ඉදින් මේ පිස්සා පාර්ලිමේන්තු මන්ත්‍රී වරයෙකු නම් ඔහු අතින් ඊටත් වඩා  හානියක්  සිදු වේ. ඒ අනුව ඇමති වරයෙකු අගමැති වරයෙකු හෝ ජනාධිපති වරයෙකු පිස්සෙකු වුවහොත් ඒ ඒ පුද්ගලයාගේ බලය අනුව ඔහු අතින් සිදු වන හානිය වැඩිවේ. හිට්ලර් නමැති මානසික රෝගියා නිසා ලෝකය පුර ජනතාව මිලියන සිය  ගණනක් මියැදුණි . 
 
එසේම ඇමතිවරුන්  ගත්තද එක එක අමාත්‍යංශයේ කාර්ය භාරය අනුව ඇමති වරයාගේ  මානසික මට්ටම හා බැඳුනු  හානිය වෙනස් වේ. උදාහරණයක් ලෙස පොල් සංවර්ධන ඇමතිගේ පිස්සු  ක්‍රියාවන්ට  වඩා  අධ්‍යාපන  ඇමතිගේ හෝ උසස් අධ්‍යාපන  ඇමතිගේ පිස්සු ක්‍රියා නිසා සිදු වන හානිය අධිකය. බරපතලය. එයින් සිදුවන හානිය ආපසු    හැරවිය නොහැක. මක් නිසාද යත් ඔවුන්ගේ   ක්‍රියා සම්පූර්ණයෙන්ම බල පාන්නේ රටේ දරුවන් කෙරෙහි බැවිනි.
 
අද අපේ රටේ උසස් අධ්‍යාපනය අවුල් ජාලයක් බවට පත්ව තිබේ.  ආචාර්ය   ප්‍රශ්න ,  හමුදා  පුහුණු,  විදෙස්  සිසුන්  ගැනීම  ,  සිසු මර්ධනය, ආදී වශයෙන්  එය මහා නූල් බෝලයක් බවට පත්ව තිබේ.  අප  ඉහතින්  කතා  කල  දේ සහ උසස් අධ්‍යාපනයේ මේ අවුල අතර යම් සම්බන්ධයක් ඇත්දැයි සිතන්නෙකුට පොඩි ඔත්තුවක් දීම ට  අප කැමැත්තෙමු. එය නම් උසස් අධ්‍යාපන ඇමති වරයා පසු ගිය  දිනෙක විදෙස් සරසවි සිසුන්  ගෙන්වා   ගැනීම  ගැන කියූ කතාවකි.  
 
”මේ විදේශ දරුවො එන එකෙන් අපේ දරුවන්ට කිසිම අවාසියක් වෙන්නේ නෑ. අපේ දරුවන්ට වාසියක් වෙන්නෙ. ඉතාම හොඳ වාසියක් වෙන්නෙ. මේ විශ්ව විද්‍යාල වල කළු කෙල්ලො කොල්ලො ඉඳියි, සුදු කෙල්ලො කොල්ලො ඉඳියි, කහ කෙල්ලො කොල්ලො ඉඳියි, ඇස් දිග එවුන් ඉඳියි, නහයවල් කොට එවුන් ඉඳියි, සේරම ජාතියෙ එවුන් ඉඳියි.
 
එහෙම තමයි විශ්ව විද්‍යාලයක් ජාත්‍යන්තර තත්ත්වයට එන්නෙ. අපේ තරුණ තරුණියන්ට ‘හොඳ චොයිස්’ එකක් තියෙයි.(සිනහා වෙයි) මේක නරක එකක් නොවෙයි. විශ්ව විද්‍යාල ජාත්‍යන්තර තලයට යන්න මේක අත්‍යාවශ්‍ය කාරණයක්. විදේශ දරුවො ආවම අපේ අයට මොනවද වෙන්නේ? කියනවා. මේව තනිකරම මෝඩ කතා. රාජ්‍ය නොවන විශ්ව විද්‍යාල පනත අපු ගමන් ඒ හැම ආයතනයකටම අපේ දරුවො සියයට විස්සක් නිකං දානව.”
 
ඔබම තීරණයක් ගන්න
 
සටහන- කහ සහ සුදු කෙසේ වෙතත් කලු ගැන නම් විශේෂ  අවධානයකින් කටයුතු කරන බව  ඒ තුමා ක්‍රීඩා ඇමති කාලයේ වාර්තා වී තිබුණි.
 


ඇස්බීන් නිකම් දෙනවා කියලා කට පත්ත ඇදපු ලැප්ටොප් එකට ශිෂ්‍යයන්ගෙන රුපියල්ම 75,000 ක් අය කොරනවාලු. ඒකට ජොයින් වෙනවා කියලා ශිෂ්‍යයෝ පොරොන්දු කර ගන්න ෆෝර්ම් එකකුත් අත්සන් කරගෙන. තමන්ගේ අතේ සල්ලි දීලා ගන්නවා නම් ඒකට මොකටද මූ මීහරකා වගේ පනින්නේ. තමන්ට කැමති එකක් ගන්න ඇරලා හිටියාම ඉවරයිනේ. කැමති තැනකින් කැමති ගානකට කැමති වර්ගයේ එකක් ගනියි.

මූ මේ හදන්නේ කවුරු හරි කොම්පැනි කාරයෙක් එක්ක සැට් වෙලා කොහෙ හරි තියෙන කුණු ගොඩක් ශිෂ්‍යන්ගේ ඇඟේ ගහන්නයි.අඩු මිල එකක් වැඩි මිලට ශිෂ්‍යයන්ට විකුනලා ගානකුත් කපාගනියි.යකෝ මුං ඒ පාර අහිංසක ශිෂ්‍යයන්ගෙනුත් ගාන කපන්න හදන්නේ.

පහුගිය සති අන්තේ පත්තර අරං බලන්නකෝ ලැප්ටොප් වල ගනන් හිලව්.රුපියල් 39,000 ඉඳලා තියෙනවා එක එක ගානට. අඩු මිල එකක් වැඩි මිලට ශිෂ්‍යයන්ට විකුනලා ගානකුත් කපාගනියි. එකකින් 5000 තියා ගත්තත් ශිෂ්‍යයෝ 22,000 ට ගාන බලන්නකෝ. රුපියල් 110,000,000.00 ඔය එක අවුරුද්දකට. හැම අවුරුද්දකම ඔය විදියට වැඩේ කර ගෙන යයි. ආණ්ඩුවට වියදමකුත් නැහැ. ගානකුත් එනවා. කොම්පියුටර් දෙනවා කියලා ෂෝ එකක් දාන්නත් පුළුවන්. කොහොමද ටිකිරි මොලේ නේද ඇස්බීන් උන්නැහේ.

සටහන- පහුගිය සතියේ රාවය පත්තරේ දාල තිබුනේ අලුතින් එන ශිෂ්‍යයන්ට විතරක් නෙවෙ දැන් ඉන්න අයටත් ලැප්ටොප් දෙන්නය කියලා…පරණ යාළුවාට බිස්නස් සපෝර්ට් එකක් දෙන්න වගේ අයිවන් ගොයියා සැට් වෙන්නේ …. හික් හික්… අනේ අයිවන් … උඹයි මායි දන්න ලැප්ටොප් හික් හික්…