උසස් පෙල විභාග ප්‍රථිපල විශ්වාස කළ නොහැක

Posted: December 28, 2011 in Uncategorized

 

ඇමතිවරු බානකුත්, නියෝජ්‍ය ඇමතිවරු, අධීක්ෂණ මන්ත්‍රීන් රොත්තක්ද , අති පණ්ඩිත විභාග කොමසාරිස් වරයෙක්ද එකතුව මාස ගණනක් පමා වී නිකුත් කළ උසස් පෙල ප්‍රතිපල අවුල් ජාලයක් දි වී  තිබූ අයුරු අප පසු ගිය දා දු‍ටුවෙමු. දිස්ත්‍රික්  මට්ටම දිවයිනේ මට්ටමට නොගැලපෙන අයුරුත්, ඒ දෙක ඉසැඩ් ලකුණු සමග නොගැලපෙන අයුරුත් ගැන උදාහරණ මේ දිනවල අන්තර්ජාලයේ ඕනෑ තරම් සොයා ගත හැක. එසේම ජීව විද්‍යා සිසුන්ට වාණිජ ප්‍රතිපල , කලා සිසුන්ට විද්‍යා ප්‍රතිපල ලැබී තිබූ අයුරු අප දු‍ටුවෙමු.කොටින්ම කිවහොත් එය එකම විකාරයකි. අවුල් ජාලයකි.

වසර ගණනක් වෙහෙසි විභාගයට මුහුණ දුන් දරුවන්ට මෙය ජීවිතය පිලිබඳ ප්‍රශ්නයකි. එහෙත් මේ කාලකන්නි බලදාරින්ට එය සුළු දෙයකි. ඔවුන් එය තුට්‍ටුවකටවත් ගණන් නොගනී. ඔවුන්ගේ මේ අමන වැඩ නිසා මේ සිසුන් කොතරම් පීඩාවකට පත් ව ඇත්දැයි ඔවුන් ට වගක්වත් නැත. පගා ගසමින් , කොමිස් ගසමින් මහජන මුදල් කොල්ල කමින් තර කර ගත් ධනය ඇති බැවින් ඔවුන්ට තම දරුවන් එංගලන්තයේ හෝ ඕස්ට්‍රේලියාවේ අධ්‍යාපනය සඳහා  යැවිය හැක.දුක් විඳින්නේ තැලෙන පෑගෙන පොඩිවෙන  පුංචි මිනිසුන්ගේ දරුවන්ය.

මේ නිලධාරින් හා දේශපාලකයින් දැන් කියන්නේ සිදුව ඇත්තේ ඉතා සුලු වරදක් බවයි. එයද පරිඝණක දෝෂයක් නිසා වූවකි. සිසුන්ගේ දිස්ත්‍රික් මට්ටම හා දිවයිනේ මට්ට්මේ සිදු වූ සුලු සුලු දෝෂ හැරෙන්නට ප්‍රතිපල වල කිසිදු වරදක් නැත.සිසුන්ගේ ප්‍රතිපල වල හා ඉසැඩ් ලකුණු වල කිසිදු දෝෂයක් නැත. ඒ නිසා දිස්ත්‍රික් මට්ටම හා දිවයිනේ මට්ට්ම නැවත සකස් කළ විට සියල්ල හරි  යනු ඇත. විෂය ධාරා හෝ විෂයන් මාරු වී ප්‍රතිපල ලැබූ සිසුන් ගැන කිසිත් නැත. යම් කිසිවෙකුට ප්‍රතිපල ගැන සැකයක් ඇත්නම් නැවත සමීක්ෂණය සඳහා ජනවාරි අට දාට පෙර අයදුම් කරන්නැයි ඔවුන් අපට කියයි.

දැන් අප ඔවුන් කියන දේ අසා එය පිලිගෙන නිහඬව සිටිය යුතුද? එසේ නැත්නම් ඔවුන් කියන පරිදි නැවත සමීක්ෂණය සඳහා අයදුම්  කල යුතුද?

ඔවුන් කියන පරිදි වෙනස් වී ඇත්තේ දිස්ත්‍රික් මට්ටම හා දිවයිනේ මට්ටම පමණක්ද?  ඉසැඩ් ලකුණු වැරදී නැත්ද? ඒ ගැන ඇති සහතිකය සෑම දා බොරු කියන දේශපාලකයින් හා ඔවුන්ගේ එල්ලී සිටින අමන නිලධාරින්ගේ පුහු වචන පමණක් නොවේද? ඒවා විශ්වාස කරමින් , ඔවුන්ගේ අතින් සිදු වූ වැරදි වලට අහිංසක සිසුන් තමන්ගේ මුදල්  ගෙවා නැවත සමීක්ෂණය ඉල්ලිය යුතුද?

සිදු විය යුත්තේ එය නොවේ.

සියලුම ප්‍රතිපල නැවත පූර්ණ සමීක්ෂණයකට භාජනය කල යුතුය.

සිසුන් එක එක ප්‍රශ්න පත්‍රයට ලබා ඇති ලකුණුත් , ඉසැඩ් ලකුණුත් සමග ප්‍රසිද්ධ කල යුතු අතර ඉසැඩ් ලකුණු ගණනයට භාවිතා කල සූත්‍රද හෙලි කලයුතුය.

එසේ නැතිව මේ ප්‍රතිපල පිලිබඳව ජනතාව ගේ , සිසුන්ගේ සිත් තුල ඇති තිබෙන සැක සංකා පහ කල නොහැක.

එසේ කරන මෙන් ඉල්ලා සියලු දෙනා රජයට බල කල යුතුය.

විශේෂයෙන් මෙම ප්‍රතිපල අවුල ,තමන්ට හිතවත්  පිරිස් විශ්ව විද්‍යාලවලට රිංගවීම සඳහා රජය හිතා මතා කල දෙයකැයි කතා පැතිර යන තත්වයක් තුල එය ඉතා අත්‍යවශ්‍ය දෙයකි.

 එසේම අවසන් වශයෙන් මෙම අවුලට වග කිවයුතු සියලු දෙනා තම තනතුරුවලින් ඉල්ලා අස් විය යුතුය. නො එසේනම් ඉවත් කල යුතුය.

Advertisements
Comments
  1. niranjana says:

    me rate media wala enne napunsakaloo..un tika hodai kade yanna.. bath kana harak..un ekek wath janatawata atta kiyanne ne..me siddiya analyze karanne ne.. ehema karala adu pau penne ne

  2. අසංක says:

    කතාවට සම්පුර්න එකගයි,රට ගෑනත් බලධලයින් ගෑනත් මේ වා දෑක්කාම පුදුම කලකිරීමක් ඇති වෙන්නේ.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s