මීට මඳ කලකට පෙර රජවාසල කවටයෙක් ලෙමන් පෆ් කමින් බෑන් කී මූන් ට එරෙහිව උපවාසයක් කරන විට රටම ඒ දෙස බලා සිටියේය. එම උපවාසයට අවශ්‍ය මඩු කූඩාරම් , වෙනත් කළමනා සැපයුයේ එම කවටයාගේ අමාත්‍යාංශයට අයත් සංස්ථාවලිනි.
 
කැමරා අටවා ගත් මාධ්‍ය කරුවෝ දිවා රෑ දෙකෙහිම නිදි මරමින් එහි කල් ගත කලහ. මැති ඇමතින් ඇතුලු වී.අයි. පී ලා කුස පිරෙන්නට කමින් කරන මේ අරුම පුදුම උපවාසය නැරඹීමට එහි ආ ගියහ.
 
පොලිසීය එම උපවාසයට ආරක්ෂාව දෙමින්  එහි ‍රැඳී සිටියේය.
අවසානයේ රාජ්‍ය නායකයාම පැමිණ තැඹිලි පොවා එම උපවාස නාඩගම අවසන් කලේය.
 
ඒ එක උපවාසයකි.
 
මේ දිනවල කල්පිටියේ තව උපවාසයක් ක්‍රියාත්මක වේ. ඒ බෞද්ධ හිමිවරුන් දෙදෙනෙක් හා මහලු මවකි. ඔවුන් ඉල්ලා සිටින්නේ දරුස්මාන් වාර්තාව ඉරා දැමීමට හෝ බෑන් කී මූන් පලවා හැරීමට නොවේ.
 
ධීවර කර්මාන්තයේ යෙදී සිටිත්දී අත් අඩංගුවට ගෙන අන්දමන් දූපත් වල හිර කර ගෙන සිටින තම ඥාතින් නිදහස් කර ගැනීමට මැදිහත් වන ලෙස ඔව්හු රජයෙන්  ඉල්ලති.වාර්තා වන ආකාරයට  මේ පුද්ගලයින් දැන් වසරක් පමණ ඉන්දෙය අත් අඩංගුවේ පසු වෙත්. කීමට සිටින සියලු බලධාරින්ට කියා පලක් නොවූ තැන ඔව්හු මෙලෙස උපවාසයකට බැස සිටිති.
 
එම උපවාසය ගැන රටේ  මාධ්‍ය නිහඬය. දේශපාලකයින් හෝ දේශප්‍රේමින් පලාතකවත් නැත.අඩුම තරමෙන් මේ ප්‍රශ්නයට අදාල ධීවර අමාත්‍යාංශයේ නිල්ධාරින්වත් නැත.
 
තම දරුවන් ඉල්ලා හඬන ඒ මවට තැඹිලි වතුර පොවන්නට ජාතියේ ආඩම්බරකාර තාත්තලා එන්නෙත් නැත. ජාතියේ තාත්තලාට තම පුතුන්ගේ රගර් තරඟ නැරඹීමට යෑමට ඇතිවා විය යුතුය.
 
තව ටික දිනකින් උසාවි නියෝගයක්ද ‍රැගෙන එන පොලිසීය මේ උපවාස කරුවන් කුදලාගෙන ගොස් රෝහලකට දමනු ඇත.
 
ඔවුන්ගේ දරුවන් අන්දමන් දූපත් වල තවදුරටත් සිර වී සිටිනු ඇත.
 
ආසියාවේ ආශ්චාර්යේ වැඩ සිද්ද වෙන්නේ එහෙමය.
Advertisements
Comments
  1. Buwa says:

    ධීවර ඇමති කථා කරන්නේ රාජතාත්ත්‍රික භාවයක් ගැන , බොහොම හිතවත්ය කියන අසල් වැසි රටෙන් ධීවරයො කිහිඅප දෙනෙක් බේර ගන්න බැරි රාජ්‍ය තාන්ත්‍රික කම බලු වටින්නැ , සැබැ රාජ්‍ය තාන්ත්‍රිකත්වයක් තියනව නම් ඔය කාරණා එක දුරකථන ඇමතුමක ප්‍රමාදයෙන් කරගන්න පුලුවන් වෙන්න ඕනි !

  2. දඹර අමිල කළ උපවාසෙ ඛොහොමද ඉවර වුනේ?

  3. දුකා says:

    උපවාස ඇමතිට කියමුකෝ ගිහින් පොඩි සප් එකක් දෙන්න කියලා මේ අයට

  4. maathalan says:

    කෝ විපස්සෙද මොකක්ද කියන එක. ධිවර ඇමති මුන් එක්ක ගේමක් ඉල්ලනවා දැක්කා…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s